पुणे, ता. १५ : मांजरी खुर्द भागातील कॅनरा बँकेच्या शाखेत रविवारी मध्यरात्री चोरट्यांनी चोरीचा प्रयत्न केला. मात्र, तिजोरी उघडता न आल्याने बँकेतील कागदपत्रे अस्ताव्यस्त करून अंधाराचा फायदा घेत चोरटे पसार झाले.
याप्रकरणी बँकेचे व्यवस्थापक शुभम ब्रजकिशोर शर्मा (वय ३७, रा. मांजरी खुर्द) यांनी वाघोली पोलिस ठाण्यात फिर्याद दिली आहे. त्यानुसार चोरट्यांविरोधात गुन्हा दाखल केला आहे.
पोलिसांनी दिलेल्या माहितीनुसार, मांजरी खुर्द येथील एका इमारतीच्या तळमजल्यावर कॅनरा बँकेची शाखा आहे. रविवारी मध्यरात्री अडीचच्या सुमारास चोरट्यांनी मुख्य दरवाजाचे कुलूप तोडून बँकेत प्रवेश केला. चोरट्यांनी तिजोरी फोडण्याचा प्रयत्न केला. मात्र, तांत्रिक यंत्रणा मजबूत असल्याने तिजोरी फोडण्यात ते अपयशी ठरले. त्यामुळे चोरट्यांनी कागदपत्रे अस्ताव्यस्त करून पळ काढला. सीसीटीव्ही चित्रीकरणाच्या आधारे चोरट्यांचा शोध घेण्यात येत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.