भिडे पुलावरील वाहतुकीबाबत निवेदन

पुणे, ता. १५ : डेक्कन जिमखाना मेट्रो स्टेशनला जोडणाऱ्या पादचारी पुलाच्या कामामुळे गेले पाच महिने बाबा भिडे पूल वाहतुकीसाठी पूर्ण बंद केला आहे. पुलाची वाहतूक दिवाळीपर्यंत सुरू करावी, असे निवेदन पुणे महामेट्रोचे पुणे मेट्रोचे कार्यकारी संचालक डॉ. हेमंत सोनवणे यांना एरंडवणे सार्वजनिक गणेशोत्सव मंडळाच्या वतीने देण्यात आले. या वेळी मंडळाचे अध्यक्ष प्रशांत वेलणकर, उपाध्यक्ष संतोष बाहेती, सचिन सतीश खैरे, खजिनदार सुरेश निंबाळकर, आशिष वेलणकर, सुनील माझीरे आदी कार्यकर्ते उपस्थित होते.

भीमशक्तीच्या अध्यक्षपदी विजय हिंगे
पुणे, ता. १५ : भीमशक्ती सामाजिक संघटनेच्या अध्यक्षपदी विजय हिंगे यांची नियुक्ती करण्यात आली. ही नियुक्ती संघटनेचे संस्थापक अध्यक्ष तथा खासदार चंद्रकांत हंडोरे यांच्या अध्यक्षतेखाली करण्यात आली. या वेळी शशिकांत बनसोडे, एन. के. कांबळे, अनिल चाकूरकर, बापू थोरात, सूरज गायकवाड, रमेश रुई, आशिष वाघमारे, विशाल भालेराव उपस्थित होते.