भांडारकर नियामक मंडळावर डॉ. सुनील भंडगे यांची निवड

पुणे, ता. १७ : सावित्रीबाई फुले पुणे विद्यापीठातील लोकशाहीर अण्णा भाऊ साठे अध्यासनाचे प्रमुख डॉ. सुनील भंडगे यांची भांडारकर प्राच्यविद्या संशोधन मंदिर संस्थेच्या नियामक मंडळाचे संचालक म्हणून निवड झाली आहे. ही निवड २०२५-३० या कालावधीसाठी आहे.
डॉ. भंडगे यांनी विद्यापीठाच्या भटके विमुक्त संशोधन केंद्र निर्माण समितीचे सदस्य, शेलारमामा आदर्श युवा पुरस्कार निवड समितीचे सदस्य, राज्य सरकारच्या साहित्यरत्न अण्णा भाऊ साठे चरित्र साधने प्रकाशन समिती आणि भारतरत्न डॉ. बाबासाहेब आंबेडकर चरित्र साधने प्रकाशन समितीचे सदस्य म्हणून काम केले आहे. गेल्या पाच वर्षांपासून मुंबई विद्यापीठातील साहित्यरत्न अण्णा भाऊ साठे अध्यासन केंद्राचेही सदस्य म्हणूनही ते काम पाहत आहेत. डॉ. भंडगे सध्या राज्याच्या सांस्कृतिक धोरण अंमलबजावणी समितीचे सदस्य म्हणून काम करत आहेत.