पुणे, ता. १७ ः भरधाव मोटारीची धडक बसून सायकलस्वाराचा मृत्यू झाल्याची घटना पुणे स्टेशन परिसरात घडली. याप्रकरणी पसार झालेल्या चालकावर बंडगार्डन पोलिसांनी गुन्हा दाखल केला. रामप्रतापसिंग महेसिंग राजावत (वय ५२, रा. भय्यावाडी, ताडीवाला रस्ता) असे मृत्यू झालेल्या सायकलस्वाराचे नाव आहे. याबाबत बिनीत सिंग (वय ४२, रा. वडाचीवाडी, उंड्री ) यांनी बंडगार्डन पोलिस ठाण्यात तक्रार दिली आहे. पोलिसांच्या माहितीनुसार, बिनीत हे राजावत यांचे चुलतभाऊ आहेत. राजावत हे १३ जुलैला दुपारी दोनच्या सुमारास सायकलवरून पुणे स्टेशन परिसरातील ग्रॅँड शेरेटन हॉटेलसमोरून आरटीओ चौकाकडे निघाले होते. त्या वेळी पाठीमागून आलेल्या भरधाव कारने राजावत यांना धडक दिली. अपघातात गंभीर जखमी झालेल्या राजावत यांना ससून रुग्णालयात उपचारासाठी दाखल करण्यात आले. उपचारांदरम्यान त्यांचा मृत्यू झाला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.