बिबवेवाडीत बेकायदा सिलिंडर जप्त

पुणे, ता. १७ : अप्पर इंदिरानगर भागात घरगुती सिलिंडरचा काळाबाजार करणाऱ्या एकावर अन्नधान्य वितरण विभागाच्या जिल्हास्तरीय पथकाने कारवाई करीत एक लाख ४२ हजारांचा मुद्देमाल आणि ९८ सिलिंडर जप्त केले.
बिबवेवाडी परिसरात अवैधरीत्या घरगुती गॅस सिलिंडरमधून छोट्या गॅस सिलिंडरमध्ये पुनर्भरण करण्यात येत असल्याची माहिती अन्नधान्य वितरण विभागाकडे आली होती. त्यानुसार जिल्हास्तरीय पथकाने या ठिकाणी छापा टाकला. त्यात शैलेश दत्तात्रय मोरे (रा. भारती विद्यापीठ) हा घरगुती सिलिंडरमधून छोट्या सिलिंडरमध्ये अवैधरीत्या गॅस भरत असताना रंगेहाथ पकडला गेला. याबाबत पथकाने पोलिसांना माहिती दिल्यानंतर त्याच्यावर बिबवेवाडी पोलिस ठाण्यात गुन्हा दाखल करण्यात आला आहे. या वेळी मोरेकडून एक लाख ४२ हजारांचा मुद्देमाल आणि ९८ सिलिंडर जप्त करण्यात आले, अशी माहिती अन्नधान्य वितरण अधिकारी प्रशांत खताळ यांनी दिली.