एकता मित्रमंडळाकडून रेनकोटचे वाटप

धनकवडी, ता. १९ : अरण्येश्वर येथील एकता मित्र मंडळाच्या कार्यकर्त्यांकडून संकष्ट चतुर्थीनिमित्त अन्नदान सेवेसोबत रेनकोट वाटप करण्यात आले. कार्यकर्त्यांकडून अन्नदान सेवा एकत्रित संकल्प देणगीतून स्वारगेट, शंकर महाराज मठ, कात्रज, शनिपार व मार्केट यार्ड आदी ठिकाणी रस्त्यावर निवारा घेणारे निराधार व गरजूंना अन्नदान सेवेसोबत शंभरहून अधिक रेनकोटचे वाटप करण्यात आले. या वेळी मंडळाचे कार्यकर्ते देवांग करकंडे, प्रथमेश शिंदे, आदर्श चावट, हेरंब ढमाले, हर्षद खंडागळे, यश वायकर, चैतन्य बोबडे आदी उपस्थित होते.