हॉस्पिटल अग्निसुरक्षा, संरक्षणवर संमेलन

पुणे, ता. २१ : फायर अँड सिक्युरिटी असोसिएशन ऑफ इंडिया (एफएसएआय) पुणे विभाग आणि पुणे अग्निशमन दल यांच्या संयुक्त विद्यमाने ‘इंडिया फायर अँड सिक्युरिटी यात्रा’ अंतर्गत ‘हॉस्पिटल अग्निसुरक्षा आणि संरक्षण’ या विषयावर एक विशेष संमेलन पुण्‍यात आयोजित केले होते. या वेळी महाराष्ट्र अग्निशमन सेवेचे संचालक संतोष वारीक हे प्रमुख पाहुणे व महापालिकेचे मुख्य अग्निशमन अधिकारी देवेंद्र पोटफोडे हे उपस्थित होते. यावेळी श्रीनिवास वल्लुरी, पंकज धारकर, एफएसएआयचे सुजल शाह, पुणे विभाग अध्यक्षा, अजित यादव सचिव, हृषीकेश मांजरेकर, अनुजा सावंत, मेजर प्रकाश कापडे, मनीष मोरे, डॉ. मीरा पी. शिराळकर तसेच उद्योग-व्यवसाय अर्किटेक्ट उत्पादक, विक्रते या क्षेत्रातील ३५० हून अधिक प्रतिनिधी उपस्थित होते. सुजल शाह यांनी ‘रुग्णालयातील आग ही विजेमुळे, चुकीच्या व्यवस्थापनामुळे किंवा तत्सम कारणांमुळे होऊ शकते. अशा आपत्तीमधून रुग्णांना सुरक्षित हलविणे, कर्मचारी प्रशिक्षण, तसेच आरोग्यसेवा व्यवस्थापन यावर सखोल चर्चा करण्यासाठीच हा सेमिनार आयोजित केला आहे,’ असे सांगितले. सूत्रसंचालन सिंपल जैन यांनी केले, तर अजित यादव यांनी आभार मानले.