‘सारथी’च्या व्यवस्थापकीय संचालकपदी महेश पाटील
पुणे, ता. २१ : शिक्षण, संशोधन आणि मानव विकासासाठी स्थापन झालेल्या ‘छत्रपती शाहू महाराज प्रशिक्षण, संशोधन व मानव विकास संस्थे’चा (सारथी) कारभार गेल्या दीड महिन्यांपासून व्यवस्थापकीय संचालकांविना ‘रामभरोसे’ सुरू असल्याची बातमी ‘सकाळ’ने २० जुलै रोजी प्रसिद्ध केली होती. या वृत्ताची दखल घेत राज्य सरकारने व्यवस्थापकीय संचालक पदावरील नियुक्तीचा तिढा सोडवला आहे. भारतीय प्रशासकीय सेवेतील अधिकारी महेश पाटील यांची ‘सारथी’च्या व्यवस्थापकीय संचालकपदी नियुक्ती करण्यात आल्याने विद्यार्थ्यांच्या रखडलेल्या योजनांना आता गती मिळेल, अशी आशा विद्यार्थ्यांकडून व्यक्त केली जात आहे.
‘सारथी’चे व्यवस्थापकीय संचालक पद सुमारे दीड महिन्यांपासून रिक्त असल्याने विद्यार्थ्यांसाठी राबविण्यात येणाऱ्या परदेशी आणि देशांतर्गत शिष्यवृत्ती योजना, जेईई-नीट प्रशिक्षण आणि पोलिस भरती मार्गदर्शन वर्गांसारख्या महत्त्वाकांक्षी योजना रखडल्याने विद्यार्थ्यांचे भवितव्य अंधारात असल्याची वस्तुस्थिती ‘सकाळ’ने मांडली होती.
--------------
‘‘व्यवस्थापकीय संचालक नसल्याने आमच्या संशोधनासाठी आवश्यक असलेला निधी आणि इतर योजना रखडल्या होत्या. ‘सकाळ’ने आमच्या प्रश्नाला वाचा फोडली आणि आता महेश पाटील यांची नियुक्ती झाली आहे. यामुळे आमची रखडलेली कामे मार्गी लागतील आणि संशोधनाला गती मिळेल अशी अपेक्षा आहे.’’
- एक विद्यार्थी
-----------------
फोटो ः 33332
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.