पुणे, ता. २३ ः प्रेमसंबंधास विरोध केल्याने मामावर कोयत्याने वार करण्याची घटना धनकवडीतील आंबेगाव पठार परिसरात घडली. याप्रकरणी एका अल्पवयीन मुलावर भारती विद्यापीठ पोलिस ठाण्यात गुन्हा दाखल करण्यात आला आहे.
पोलिसांनी दिलेल्या माहितीनुसार, तक्रारदार तरुण धनकवडीतील आंबेगाव पठार भागात राहायला आहे. या तरुणाच्या भाचीबरोबर अल्पवयीन मुलाचे प्रेमसंबंध होते. मुलगीही अल्पवयीन असल्याने तिला तक्रारदार तरुण (मामा), तसेच मुलीच्या आईने समजावून सांगितले होते. तसेच आरोपीलादेखील तिच्याबरोबर प्रेमसंबंध ठेवू नको, असे दोन ते तीन वेळा सांगितले होते. मामा आणि मुलीची आई प्रेमसंबंधाला विरोध करत असल्याने अल्पवयीन मुलगा त्यांच्यावर चिडून होता. तक्रारदार तरुण मंगळवारी (ता. २२) सकाळी दहाच्या सुमारास दुचाकीवरून कामावर निघाला होता, त्या वेळी अल्पवयीन आंबेगाव पठार परिसरात आला. त्याने तरुणाला अडवून ‘आमच्या प्रेमप्रकरणात आडवा येऊ नको,’ अशी धमकी दिली. त्यानंतर तरुणाच्या डाव्या हाताच्या पंजावर कोयत्याने वार केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.