...अन् उलगडली महाराष्ट्राची संस्कृती !

पुणे, ता. २३ : कुणी नऊवारी नेसून तर कुणी पारंपारिक साज परिधान करून... कुणी उखाणे घेत तर कुणी पोवाडे सादर करत, महाराष्ट्राच्या संस्कृतीची झलक दाखवली. निमित्त होते ‘महाराष्ट्राची परंपरा’ या कार्यक्रमाचे.
‘सकाळ माध्यम समूह’, इंद्रिया (आदित्य बिर्ला ज्वेलरी) आणि ‘तनिष्का’ व्यासपीठाच्या वतीने औंध येथील दालनात या कार्यक्रमाचे आयोजन केले होते. या वेळी तनिष्का सदस्या आणि इतर महिलांसाठी पारंपारिक वेशभूषा, उखाणे, गाणी यांसारख्या विविध स्पर्धा घेण्यात आल्या. यामध्ये महिलांनी मोठ्या उत्साहाने सहभाग घेत बक्षिसेही मिळवली. प्रा. प्रकाश दळवी यांनी मनोरंजनात्मक पद्धतीने महाराष्ट्राचा इतिहास, परंपरा आणि संस्कृतीची ओळख करून दिली.
याप्रसंगी महिलांना ‘इंद्रिया’चे नवनवीन बहुमूल्य दागिने परिधान करून फोटोशूट करण्याची संधीही देण्यात आली. तनिष्का गटप्रमुख सामिना पठाण, रूपाली शिंदे, वैशाली बालवडकर, रोहिणी बालवडकर, लता धायगुडे, सायली मते, अर्चना स्वामी, माधवी पानसरे, दीपा शेडगे, पूनम काळे, उज्वला बालवडकर, मोनिका बालवडकर यांच्यासह औंध, बाणेर, बालेवाडी परिसरातील तनिष्का सदस्या मोठ्या संख्येने उपस्थित होत्या. सूत्रसंचालन आणि संयोजन तनिष्का विभाग समन्वयक ऋतुजा बालवडकर यांनी केले.