डाक विभागाकडून नवीन प्रणाली

पुणे, ता. २३ ः डाक विभागाकडून आयटी २.० प्रणालीला सुरुवात करण्यात आली. रेल डाक सेवेमध्ये डिजिटल कार्यप्रणालीची गती वाढवण्यासाठी ही योजना राबवण्यात येत असून, ग्राहक सेवा अधिक सक्षम व कार्यक्षम होणार आहे.

या प्रणालीचे उद्‍घाटन पुणे विभागाचे संचालक अभिजित बनसोडे यांच्या हस्ते झाले. या वेळी अधिक्षक बी. पी. एरंडे, व्यवस्थापक वाय. आर. वाळुंजकर, वरिष्ठ पोस्टमास्तर पी. ई भोसले आदी उपस्थित होते. या प्रणालीमुळे ग्राहक सेवा अधिक जलद व कार्यक्षमतेने मिळणार आहे. त्याचबरोबर अंतर्गत कार्यपद्धतींची पारदर्शकता, तसेच व्यवहारामध्ये अचूकता येण्यास मदत होणार आहे.