सीमेवरील जवानांना पुणेकरांकडून राख्या

पुणे, ता. २७ ः सीमेवरील जवानांना ‘सैनिक मित्र परिवार’ आणि सहयोगी संस्थांतर्फे रक्षाबंधनाच्या निमित्ताने राख्या पाठविण्यात आल्या आहेत. राख्यांसोबत विद्यार्थ्यांनी रेखाटलेली चित्रे आणि शुभेच्छा संदेशही आहेत.
यावेळी संस्थांतर्फे पाठविण्यात येणाऱ्या राख्यांचे पूजन श्रीमती लक्ष्मीबाई दगडूशेठ हलवाई दत्त मंदिर येथे झाले. खासदार वंदना चव्हाण, ज्येष्ठ आध्यात्मिक गुरू कवयित्री प्रतिभा मोडक, ज्येष्ठ नृत्यगुरू सुचेता भिडे-चापेकर, क्रीडा प्रशिक्षक प्राची वाईकर, वीर पत्नी दीपाली मोरे, कल्याणी सराफ यावेळी उपस्थित होते. सैनिक मित्र परिवाराचे आनंद सराफ, दत्त मंदिर ट्रस्टचे अध्यक्ष ॲड. शिवराज कदम जहागीरदार, युवराज गाडवे, राजेंद्र बलकवडे, ॲड. रजनी उकरंडे, महेंद्र पिसाळ, गिरीश पोटफोडे उपस्थित होते.
---------------
फोटोः 34933.