ज्येष्ठ नागरिक संघातर्फे आरोग्य तपासणी शिबिर

पुणे, ता. २७ ः निसर्ग विश्‍व ज्येष्ठ नागरिक संघ वाकड व नवचैतन्य हास्य योग ग्रुप यांच्यातर्फे वाकड येथील ‘सनमेड हॉस्पिटल’ येथे ज्येष्ठ नागरिकांसाठी मोफत वैद्यकीय आरोग्य शिबिर नुकतेच उत्साहात झाले. यात रक्तदाब, मधुमेह, लिपिड, एचबीए१सी, क्रियाटीन व ईसीजी आदी तपासण्या मोफत झाल्या.
शिबिरात डॉ. अद्विता जोशी यांनी योगासनांची प्रात्यक्षिके घेऊन योगाचे महत्त्व व आहारतज्ज्ञ डॉ. अश्विनी कदम यांनी योग्य आहाराचे महत्त्व सांगितले. तसेच डॉ. ऋषिकेश बागल व डॉ. निशांत यांनी हृदय विकार किंवा पॅरॅलिसिस अटॅक आल्यास प्राथमिक उपचारांबाबत मार्गदर्शन केले. यावेळी संघाचे खजिनदार जयंत शिंदे, शिवाजी कदम, दिलीप पुंडे, जिंदास भोसले, हिंदुराव साळोखे, जयश्री शिंदे, मंदाकिनी भोसले, ज्येष्ठ नागरिक संघाचे अध्यक्ष उदय रणनवरे, उपाध्यक्ष राजाराम भोसले, रमेश राऊत आदी उपस्थित होते.
-------------