तुळशीबाग गणपतीला १२५ पथकांची मानवंदना

पुणे, ता. २८ : तब्बल १२५ ढोल ताशा पथकातील वादकांनी एकत्र येत मानाचा चौथा श्री तुळशीबाग गणपतीला वादनाच्या माध्यमातून अनोखी मानवंदना दिली. गणपती बाप्पा मोरयाचा जयघोष आणि ढोल ताशांचा निनाद यावेळी तुळशीबागेत घुमला. शतकोत्तर रौप्य महोत्सव साजरे करणाऱ्या ट्रस्टतर्फे उत्सव मंडपाचे वासा पूजन पार पडले.
राज्यमंत्री माधुरी मिसाळ व आमदार हेमंत रासने यांच्या हस्ते वासा पूजन झाले. यावेळी अखिल मंडई मंडळाचे अध्यक्ष अण्णा थोरात, श्रीमंत दगडूशेठ हलवाई सार्वजनिक गणपती ट्रस्टचे अध्यक्ष सुनील रासने, ढोल ताशा महासंघाचे अध्यक्ष पराग ठाकूर, स्वागताध्यक्ष कृष्णकुमार गोयल, तुळशीबाग गणपती मंडळाचे अध्यक्ष विकास पवार, कोषाध्यक्ष नितीन पंडित, उपाध्यक्ष विनायक कदम उपस्थित होते. परिसरातील व्यापारी व महिला कार्यकर्त्या उत्साहाने सहभागी झाल्या होत्या.

फोटो ः 35221