किशोर कुमार यांच्या अजरामर गीतांची मेजवानी

पुणे, ता. २९ : आपल्या वैशिष्ट्यपूर्ण आवाजाने आणि अष्टपैलू गायकीने रसिकांच्या मनावर अधिराज्य गाजविलेल्या किशोर कुमार यांच्या ९६ व्या जन्मदिनानिमित्त ‘दो किशोर’ या विशेष संगीत मैफिलीचे आयोजन करण्यात आले आहे. ‘सकाळ माध्यम समूहा’तर्फे आयोजित ही मैफील सोमवारी (ता. ४) सायंकाळी ६.३० वाजता जंगली महाराज रस्त्यावरील बालगंधर्व रंगमंदिरात रंगणार आहे.

‘लोकमान्य मल्टिपर्पज को-ऑप सोसायटी लि.’ आणि ‘कोहिनूर ग्रुप-अ कृष्णकुमार गोयल एंटरप्राईज’ हे या कार्यक्रमाचे सहयोगी प्रायोजक आहेत. गायक जितेंद्र भुरूक आणि मकरंद पाटणकर आपल्या सहकाऱ्यांसह ही मैफील सादर करतील. या मैफिलीत किशोर कुमार यांच्या अजरामर गीतांची मेजवानी पुणेकरांना अनुभवायला मिळेल. यात ‘कोरा कागज था ये मन मेरा’, ‘रूप तेरा मस्ताना’, ‘ये रात ये मौसम’, ‘जिंदगी एक सफर है सुहाना’, ‘एक चतुर नार’, ‘मेरे सामने वाली खिडकी में’, ‘तेरे मेरे मिलन की ये रैना’, ‘गाता रहे मेरा दिल’ यांसारख्या अनेक लोकप्रिय गीतांचा समावेश असेल. या कार्यक्रमात वाद्यवृंद, अत्याधुनिक ध्वनिव्यवस्था आणि प्रकाशयोजनेचा उपयोग करण्यात येणार आहे.
या कार्यक्रमाची तिकिटे bookmyshow.com वर, तसेच बालगंधर्व रंगमंदिरात सकाळी ९ ते ११.३० व सायंकाळी ५ ते ८ या वेळेत उपलब्ध आहेत.

किशोर कुमार यांच्या गीतांनी अनेक पिढ्यांमधील रसिकांच्या मनावर अधिराज्य गाजवले. त्यांच्या ९६ व्या जन्मदिनानिमित्त त्यांच्या आठवणींना आणि गीतांना उजाळा देणाऱ्या या विशेष मैफिलीचा भाग होताना आम्हाला आनंद होत आहे. ‘दो किशोर’च्या माध्यमातून पुणेकरांना एका अविस्मरणीय संगीत अनुभवाची मेजवानी मिळेल, याची खात्री आहे.
- कृष्णकुमार गोयल,
अध्यक्ष- कोहिनूर ग्रुप

किशोर कुमार यांची अजरामर गाणी आजही रसिकांना श्रवणानंद देत आहेत. ‘सकाळ’तर्फे आयोजित ‘दो किशोर’ ही मैफील म्हणजे त्यांच्या प्रतिभेला आदरांजली असून, संगीतप्रेमींसाठी एक अनोखी पर्वणी ठरेल. त्यामुळे या मैफिलीत सहभागी होण्याचे आम्हाला समाधान आहे.
- सुशील जाधव,
विभागीय व्यवस्थापक- लोकमान्य मल्टिपर्पज को-ऑप सोसायटी लि.

‘दो किशोर’ संगीत मैफील
कधी : सोमवार (ता. ४)
केव्हा : सायंकाळी ६:३० वाजता
कुठे : बालगंधर्व रंगमंदिर, जंगली महाराज रस्ता