निसर्ग विश्व संघातर्फे आरोग्य तपासणी

पुणे, ता. ३१ : निसर्ग विश्व ज्येष्ठ नागरिक संघ वाकड व नवचैतन्य हास्ययोग ग्रुपच्या वतीने वाकड येथील सनमेड रुग्णालयामध्ये ज्येष्ठ नागरिकांसाठी मोफत आरोग्य तपासणी शिबिर आयोजित केले होते. यात रक्तदाब, मधुमेह, लिपिड, एचबीएवनसी, ईसीजी आदी तपासण्यात करण्यात आल्या.
डॉ. अद्विता जोशी यांनी योगासनाची प्रात्यक्षिके घेऊन योगाचे महत्त्व विशद केले. ज्येष्ठांनी वयोमानानुसार कोणत्या प्रकारचा आहार घ्यावा, याबद्दल आहारतज्ज्ञ डॉ. अश्विनी कदम यांनी माहिती दिली. डॉ. ऋषिकेश बागल यांनी हृदयविकार किंवा पॅरॅलिसिस अटॅक आल्यास प्राथमिक उपचार कसे करावेत, हे प्रात्यक्षिकांसह दाखविले. यावेळी संघाचे अध्यक्ष उदय रणनवरे, उपाध्यक्ष राजाराम भोसले, रमेश राऊत यांनी डॉक्टर व कर्मचाऱ्यांचे आभार मानले. याप्रसंगी उपस्थितांना तुळशीची रोपे देऊन सन्मानित करण्यात आले. या वेळी जयंत शिंदे शिवाजी कदम, दिलीप पुंडे, जिंदास भोसले, हिंदुराव साळोखे, जयश्री शिंदे, मंदाकिनी भोसले आदी उपस्थित होते.