पं. पोहनकर शिष्यांतर्फे उद्या गुरुपौर्णिमा सोहळा

पुणे, ता. ३१ ः ज्येष्ठ शास्त्रीय गायक व गुरू पं. अजय पोहनकर यांच्या शिष्यांतर्फे गुरुपौर्णिमा सोहळ्याचे आयोजन करण्यात आले आहे. हा कार्यक्रम शनिवारी (ता. २) सकाळी १० ते दुपारी २ आणि सायंकाळी ४ ते रात्री ९ या दरम्यान दोन सत्रांमध्ये शनिवार पेठेतील गांधर्व महाविद्यालयाच्या विष्णू विनायक स्वरमंदिरात होणार आहे. गुरुपौर्णिमेनिमित्त देशभरातील विविध शहरांमधून पं. पोहनकर यांचे शिष्य एकत्र येऊन हा कार्यक्रम सादर करणार आहेत. सर्व शिष्यांच्या गायन प्रस्तुतीनंतर पं. पोहनकर यांच्या सादरीकरणाने कार्यक्रमाची सांगता होणार आहे. हा कार्यक्रम सर्वांसाठी खुला आहे.