पुणे-रिवा दरम्यान रेल्वे धावणार

पुणे, ता. ३१ ः पुणे आणि मध्य प्रदेशातील रिवा स्थानकादरम्यान थेट रेल्वेसेवा सुरू होत आहे. केंद्रीय रेल्वेमंत्री अश्‍विनी वैष्णव यांच्या हस्ते रविवारी (ता. ३) नवीन पुणे-रिवा एक्स्प्रेसला हिरवा झेंडा दाखविण्यात येणार आहे. ही रेल्वे पुणे आणि रिवादरम्यान धावणारी पहिलीच रेल्वे असणार आहे. यामुळे प्रवास अधिक सोईस्कर व जलद होणार आहे. रिवा स्थानकावर उद्‍घाटनाचा कार्यक्रम होणार असून, रेल्वेमंत्री अश्‍विनी वैष्णव हे व्हिडिओ कॉन्फरन्सिंगद्वारे जोडले जाणार आहेत.

रेल्वेचे नियमित वेळापत्रक
- पुणे-रिवा एक्स्प्रेस (गाडी क्र २०१५१) : पुण्याहून दर गुरुवारी दुपारी ३ वाजून १५ मिनिटांनी सुटेल. दुसऱ्या दिवशी सायंकाळी ५ वाजून ३० मिनिटांनी रिवा स्थानकावर पोचेल. रिवा-पुणे एक्स्प्रेस (गाडी क्र २०१५२)
- रिवा येथून दर बुधवारी सकाळी ६ वाजून ४५ मिनिटांनी सुटेल. पुण्याला दुसऱ्या दिवशी सकाळी ९ वाजून ४५ मिनिटांनी पोचेल. गाडीला दौंड कॉर्ड लाइन, अहिल्यानगर, कोपरगाव, मनमाड, भुसावळ, वर्धा, नागपूर, गोंदिया, बालाघाट, नैनपूर, जबलपूर, कटनी आणि सतना आदी स्थानकांवर थांबा देण्यात आला आहे.