सरकार एसटी कर्मचाऱ्यांच्या पाठीशी अजित पवार यांची ग्वाही ः प्रश्न सोडविण्यासाठी लवकरच बैठक
पुणे, ता. १ ः एसटी कर्मचाऱ्यांच्या प्रश्नाबाबत नेहमीच आमची भूमिका सकारात्मक राहिली आहे. त्यांनी जेव्हा प्रश्न मांडले, तेव्हा ते सोडविण्यावरच भर राहिला आहे. कोरोनाच्या काळात राज्याच्या तिजोरीत खडखडाट होता. मात्र, त्यावेळी देखील एसटी कर्मचाऱ्यांच्या वेतनाचा प्रश्न सोडविला आहे. आंदोलन हा जरी मार्ग असला तरीही तो नेहमीच वापरू नये. चर्चेच्या मार्गाने देखील प्रश्नांवर तोडगा निघतो. यावर विश्वास ठेवावा, राज्य सरकार एसटी कर्मचाऱ्याच्या पाठीशी ठाम उभे राहू, अशी ग्वाही उपमुख्यमंत्री अजित पवार यांनी दिली.
एसटी कामगार संघटनेचे सरचिटणीस हनुमंत ताटे यांच्या अमृतमहोत्सवानिमित्त शुक्रवारी गौरव सोहळ्याचे आयोजन केले होते. स्व. विठ्ठल तुपे सभागृहात हा कार्यक्रम पार पडला. यावेळी उपमुख्यमंत्री पवार, उद्योग मंत्री उदय सामंत, राज्य महिला आयोगाच्या अध्यक्षा रूपाली चाकणकर, आमदार चेतन तुपे, बापू पठारे, माजी आमदार सुनील टिंगरे, रवींद्र धंगेकर, ज्येष्ठ सामाजिक कार्यकर्ते बाबा आढाव, रवींद्र फाटक, संदीप शिंदे आदी मान्यवर उपस्थित होते.
अजित पवार म्हणाले, ‘‘ एसटी प्रवाशांच्या सेवेत १९४८ पासून धावत आहे. एसटी आता लोकाभिमुख झाली पाहिजे. राज्य सरकार राज्यातील विविध रस्ते चांगल्या दर्जाचे बनवत आहे. उड्डाणपूल, भुयारी रस्त्याच्या माध्यमातून वाहतूक कोंडी सोडविण्याचा प्रयत्न केला जात आहे.’’
संघटनेचे अध्यक्ष संदीप शिंदे यांनी प्रास्ताविक केले. बाबा आढाव व हनुमंत ताटे यांनी आपले विचार मांडले.
----------------
अजित पवार म्हणाले :
- राज्यातील शहरांचा विस्तार झाला. एसटीच्या मोक्याच्या जागा शहराच्या मध्यवर्ती भागात आल्या आहेत.
- एसटी स्थानकांचा विकास सार्वजनिक व भागीदारी तत्त्वावर केला जाणार आहे. त्यासाठी लवकरच राज्य सरकार नवीन धोरण ठरवत आहे.
- पहिल्या टप्प्यात ४९ वर्ष व दुसऱ्या टप्प्यात ४९ वर्ष असे ९८ वर्षाचे धोरण असणार आहे.
- लाडकी बहिण योजनेसाठी ४५ हजार कोटी व कर्मचाऱ्यांचे वेतन, निवृत्ती वेतन यासाठी साडे तीन लाख कोटीची तरतूद केलेली आहे.
- एसटी कर्मचाऱ्याचे प्रश्न सोडविण्यासाठी आम्ही सकारात्मक आहे.
-----------
काय म्हणाले उदय सामंत :
- अन्य राज्यांच्या परिवहन महामंडळाच्या तुलनेत राज्य परिवहन महामंडळाच्या कर्मचाऱ्यांना सर्वाधिक वेतन.
- एसटीचे खासगीकरण होणार नाही.
- एसटी कर्मचाऱ्यांची बँक देखील सशक्त झाली पाहिजे.
- बस स्थानकाच्या विकासासाठी ‘एमआयडीसी’कडून ने ६०० कोटी रुपये
-----------
फोटो ः36389
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.