पुणे बॅंक्स असोसिएशनची निवडणूक बिनविरोध

पुणे, ता. १ : पुणे नागरी सहकारी बॅंक्स असोसिएशनच्या व्यवस्थापन समितीच्या निवडणुकीत सर्व २१ सदस्य बिनविरोध निवडून आले. निवडणूक निर्णय अधिकारी मिलिंद टांकसाळे यांनी हा निकाल जाहीर केला. पर्वती अरण्येश्वर कॉर्नर येथील पुणे नागरी सहकारी बॅंक्स असोसिएशन या संस्थेच्या २०२५ ते २०३० या कालावधीतील व्यवस्थापन समितीची निवडणूक पार पडली. या निवडणुकीत विविध प्रवर्गातून २१ जागांसाठी ३० उमेदवारी अर्ज प्राप्त झाले होते. त्यापैकी ९ उमेदवारांनी अर्ज मागे घेतल्याने उर्वरित सर्व २१ उमेदवार बिनविरोध निवडून आले. त्यात विद्याधर अनास्कर, ॲड. सुभाष मोहिते, अनिल गाडवे, राजेश कवडे, सय्यद महम्मद गौस शेरअहमद, मनन शिंदे, जुगलकिशोर पुंगलिया, विजय ढेरे, नीलेश ढमढेरे, संजय शेवाळे, नंदकुमार लांडे, रमेश वाणी, कांतिलाल गुजर, बाबूराव शितोळे, दिनेश ओसवाल, भरत टकले, प्रिया महिंद्रे, नंदा लोणकर, श्रीकांत तिखे, वसंत लोंढे, प्रल्हाद कोकरे यांचा समावेश आहे.
-------