
पुणे, ता. २ ः ‘‘पुण्यातील तळेगाव, चाकण परिसरातील आणि अन्य ठिकाणच्या कंपन्या बाहेर जात आहेत. मुख्यमंत्री देवेंद्र फडणवीस हे औद्योगिक क्षेत्रात दादागिरी आहे, असे म्हणत असतील, तर तुम्ही काय करत आहात? औद्योगिक क्षेत्रात भाजप, शिवसेना व
राष्ट्रवादी कॉंग्रेसची किंवा त्यांच्या नेत्यांची दादागिरी आहे का ? हे जाहीर करावे, अशी टीका आमदार रोहित पवार यांनी शनिवारी केली.
मुख्यमंत्री देवेंद्र फडणवीस एका कार्यक्रमाच्या व्यासपीठावर औद्योगिक क्षेत्रात दादागिरी असल्याचे नमूद केले. त्यावरून पवार यांनी फडणवीस यांच्या सरकारवरच टीकेची झोड उठविली आहे.
पवार म्हणाले, ‘‘फडणवीस यांना सगळे काही माहीत असतानाही सगळ्या कंपन्या गुजरातला जात आहेत. एकनाथ शिंदे कुठेही गेले तरी तिन्ही महायुतीमध्ये सगळे काही ‘ऑल इज वेल’ नाही असे दिसते. नेत्यांनी चिडण्यापेक्षा महाराष्ट्रातील जनतेला याचा त्रास होतो, आहे, याचा विचार केला पाहिजे.’’
पवार म्हणाले, ‘‘नवीन कृषीमंत्री वाकडी कामेही सरळ करावी लागतात, असे म्हणतात. त्यांनी महाराष्ट्राची तिजोरी वेडीवाकडी केली आहे. त्यांना वाकड्यात काम करण्यासाठी कृषिमंत्री पद दिलेले नाही. मी सरळ काम करणाऱ्यांच्या पाठीशी उभा राहतो, वाकडे काम तुमच्या हातून झालं तर महाराष्ट्र आणि आम्ही तुम्हाला माफ करणार नाही. ’’
शरद पवार यांचा मुख्यमंत्र्यांना फोन
यवत येथील दंगलीच्या पार्श्वभूमीवर, राष्ट्रवादी कॉंग्रेस शरदचंद्र पवार पक्षाचे अध्यक्ष शरद पवार यांनी शनिवारी सकाळी मुख्यमंत्री देवेंद्र फडणवीस यांच्याशी फोनद्वारे संपर्क साधला. ‘राज्यातील सामाजिक सलोख्याचे वातावरण बिघडू नये, यासाठी प्रयत्न करा. यवतमधील प्रकरण संवेदनशीलतेने हाताळा,’ अशा शब्दात पवार यांनी फडणवीस यांच्याशी संवाद साधला.
---------
संभाजी ब्रिगेड एकत्र येणार
राष्ट्रवादी कॉंग्रेस शरदचंद्र पवार पक्षाचे अध्यक्ष शरद पवार यांची गायकवाड यांनी शनिवारी पुन्हा भेट घेतली. गायकवाड म्हणाले, ‘‘हल्ल्याच्या घटनेमुळे मी पोलिस संरक्षण घ्यावे, असे शरद पवार यांचे म्हणणे होते. त्यानुसार मला पोलिस संरक्षण मिळालेले आहे. जो संघर्ष निर्माण झाला. त्याबाबत पवार यांना माहिती दिली आहे. सहा महिन्यांपासून सामाजिक व राजकीय संभाजी ब्रिगेडच्या एकत्रिकरणाविषयी चर्चा सुरु होती. हल्ल्याच्या घटनेनंतर एकत्रिकरणाच्या चर्चेला वेग आला आहे. आता संभाजी ब्रिगेड एकत्र येईल. सामाजिक किंवा राजकारणातून पुढे जायचे, याचा निर्णय मराठा सेवा संघ घेईल. भविष्यात मी ब्रिगेडचा प्रदेशाध्यक्ष राहीलच असे नाही.’’
----------
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.