डिहायड्रेशन व्यवसाय प्रशिक्षण

पुणे, ता. ५ : निर्जलीकरण व्यवसाय संधींविषयी मार्गदर्शन करणारे प्रशिक्षण थेट निर्जलीकरण उद्योग प्रकल्पात ७ व ८ जूनला आयोजिले आहे. यात निर्जलीकरण म्हणजे काय, या तंत्रज्ञानाचे महत्त्व, उपयोग, व्यवसाय म्हणून तो कसा करावा, निर्जलीकरणासाठीचे प्रमुख घटक, वेगवेगळ्या पद्धती, निर्जलीकरणाद्वारे तयार होणारे घटक पदार्थ व त्याचे उपयोग, उत्पादन व बाजारातील किंमत, मशिनरी, त्याचा फ्लो चार्ट, बाजारपेठ, विपणन पद्धती, शासकीय योजना व अनुदान, प्रकल्प उभारण्यासाठी जागेची निवड, गुंतवणूक, प्रकल्प अहवाल इ.विषयांवर मार्गदर्शन होणार आहे. फळभाज्या, पालेभाज्या, कंद, पानवर्गीय वनस्पती, आयुर्वेदिक वनस्पती, फळे, दुग्धजन्य पदार्थ, मांस, मच्छी, चिकन या पदार्थांचे प्रात्यक्षिक होणार आहे.
संपर्क : ८४८४८११५४४

राजकीय नेतृत्व विकास कार्यशाळा
आज अनेक युवक राजकारणात सक्रिय होत आहेत, मात्र नेतृत्व कौशल्य व राजकीय समज नसल्यामुळे त्यांची प्रगती खुंटते. ही गरज ओळखून राजकीय नेतृत्व विकास या दोन दिवसांच्या कार्यशाळेचे आयोजन ७ व ८ जूनला केले आहे. यात मतदारसंघ विश्लेषण, सर्व्हे, प्रचारयोजना, टीम उभारणी, जनसंपर्क, मीडिया हाताळणी, वॉर रूम व्यवस्थापन आणि निवडणूक रणनीती यांसारख्या महत्त्वाच्या विषयांवर मार्गदर्शन होईल. स्थानिक स्वराज्य संस्थांच्या आगामी निवडणुकांच्या पार्श्वभूमीवर, राजकारणात पदार्पण करू इच्छिणाऱ्या किंवा आधीच कार्यरत असलेल्या उमेदवारांसाठी ही कार्यशाळा अत्यंत उपयुक्त आहे. अनुभवी राजकीय विश्लेषक, निवडणूक शास्त्रज्ञ व प्रचारकांचे मार्गदर्शन लाभणार असून, ही संधी दीर्घकालीन राजकीय यशासाठी महत्त्वाची ठरू शकते.
संपर्क : ८४८४८११५४४

शासकीय ई-निविदा प्रक्रिया प्रशिक्षण
विविध शासकीय, निमशासकीय, सार्वजनिक विश्वस्त संस्था, देवस्थाने आता ई-निविदा प्रक्रिया राबवत आहेत. याबाबत प्रात्यक्षिकासह मार्गदर्शन करणारे १० दिवस चालणारे ऑनलाइन प्रशिक्षण ९ जूनपासून सुरु होत आहे. यात विविध विभागांतील नोंदणी, न दिसणाऱ्या निविदासुद्धा कशा शोधायच्या, बीओक्यू भरताना येणाऱ्या अडचणी, निविदा प्रक्रियेला लागणारी कागदपत्रे, कागदपत्रे डिजिटली सही करून कशी सादर करायची, इएमडी व एसडीमध्ये सूट कशी मिळवायची, स्वतःकडे यंत्रे व साहित्य नसतील तर करावयाचे भाडे करार, निविदापूर्व बैठकीला जाण्यापूर्वी करावयाच्या १५ महत्त्वपूर्ण गोष्टींबाबत मार्गदर्शन होणार आहे.
संपर्क : ९३५६९७३४२७

जमीन गुंतवणूक व पैसा कार्यशाळा
जमिनीचे भाव हे सर्वत्र आणि सतत वाढत असल्याने जमिनीतील गुंतवणूक जास्त फायद्याची ठरते. जमीन मर्यादित असल्याने ती कुठल्याही प्रकारे किंवा मार्गाने तयार केली जाऊ शकत नाही त्यामुळे जमिनीतील गुंतवणुक चलनवाढीलाही मागे टाकणारी खात्रीशीर गुंतवणूक आहे. गुंतवणूक पर्याय म्हणून जमिनीकडे कसे बघावे व त्यातून पैसा कसा उभारावा याविषयी मार्गदर्शन करणारी ऑनलाइन कार्यशाळा २९ जूनला आयोजिली आहे. यात जमीन शोध व निवड प्रक्रिया, जमीन प्रकार, झोन दस्तऐवजीकरण, गुंतवणुकीचे पर्याय आणि परतावा, बाजार संशोधन व स्पर्धक विश्लेषण, बँकिंग, कर आणि वित्त, निधी उभारणी, जमीन विकास, मार्केटिंग आणि प्रसार, व्यवस्थापनातून दीर्घकाळ पैसा इ.विषयांवर १०० टक्के व्यवहारज्ञान, दाखले आणि नोट्ससहित रिअल इस्टेट प्रशिक्षक रोहित गायकवाड मार्गदर्शन करणार आहेत.
संपर्क : ८४८४८२२८५५, ९५०३६५५२७७