मदर्स डे जिल्हाधिकारी

लोगो : मदर्स डे
---
SLC26B28858
आईसोबत जिल्हाधिकारी कार्तिकेयन एस.
---
आई म्हणजे प्रत्यक्ष दिसणारी देवता
जिल्हाधिकारी कार्तिकेयन एस. : आईमुळे मिळाला आत्मविश्वास
---
आज मी जे काही आहे, ते पूर्णपणे माझ्या आईच्या त्याग, संस्कार आणि अथक पाठिंब्यामुळे. आयुष्यात अपयश आले, कठीण प्रसंग आले, अनेकदा आत्मविश्वास डळमळला; पण प्रत्येक वेळी आईने दिलेले धैर्य, विश्वास आणि माया यांनीच मला पुन्हा उभे राहण्याची ताकद दिली.
माझे बालपण तमिळनाडू राज्यातील मदुराई जिल्ह्यात गेले. बालपणापासून ते प्रशासकीय सेवेत रुजू होण्यापर्यंत व आताही आयुष्यातील प्रत्येक महत्त्वाच्या टप्प्यावर आईची मोलाची साथ मिळाली आहे. आईमुळे आयुष्याची वाटचाल सुकर झाली. मातृत्व हे जगातील सर्वांत निःस्वार्थ आणि पवित्र नाते आहे. आई हीच आपल्या आयुष्यातील पहिली आणि प्रत्यक्ष दिसणारी देवता आहे, असे मला मनापासून वाटते. तिचे कष्ट, त्याग आणि निःस्वार्थ प्रेम यांचे ऋण कधीही फेडता येणार नाही. मातृदिनानिमित्त सोलापूर जिल्ह्यातील सर्व मातांना मनःपूर्वक शुभेच्छा.
---पूर्ण--