माळशेज घाटात दरड कोसळून दोन ठार

ओतूर, ता. ११ : मुंबईहून नगरच्या दिशेने प्रवासी वाहतूक करणाऱ्या रिक्षावर दरड कोसळून दोन जणांचा जागीच मृत्यू झाल्याची घटना माळशेज घाटात घडली. मृतांमध्ये एका सात वर्षांच्या बालकाचा समावेश असून, एक महिला जखमी झाली आहे. मंगळवारी (ता. ११) सायंकाळी ७ वाजण्याच्या सुमारास माळशेज घाटातील मंदिर व बोगद्यादरम्यान ही घटना घडली.
सोयम सचिन भालेराव (वय ७) व राहुल बबन भालेराव (वय ३५, दोघेही रा.चंदनापुरी, ता. संगमनेर, जि. अहमदनगर) अशी मृतांची नावे आहेत.
दुर्घटनेनंतर सर्वांना त्याच रिक्षातून ओतूर येथील प्राथमिक आरोग्य केंद्रात दाखल करण्यात आले. येथे आरोग्य अधिकाऱ्यांनी दोघांना मृत घोषित केले. रिक्षात एकूण पाच प्रवासी प्रवास करीत होते. यांपैकी मुलाचे रिक्षाचालक वडील व आणखी एक जण सुखरूप बचावले आहेत.