शारदाबाई पवार विद्यालयात विद्यार्थी प्रतिनिधींची निवड

खराडी, ता. ८ ः पुणे जिल्हा शिक्षण मंडळाच्या खराडी येथील शारदाबाई पवार इंग्रजी माध्यम प्राथमिक विद्यालयात विद्यार्थ्यांमध्ये नेतृत्वगुण रुजविण्यासाठी आणि त्यांना प्रशासकीय संस्थेच्या कामकाजाची अनुभूती देण्यासाठी विद्यालयात मतदान घेण्यात आले, तसेच विद्यार्थी प्रतिनिधी मंडळाची स्थापना करण्यात आली.

शैक्षणिक वर्ष २०२५-२६ साठी मतदान घेऊन निवडून आलेल्या विद्यार्थी प्रतिनिधींचा पदग्रहण समारंभ आयोजित केला होता. कार्यक्रमाचे प्रमुख पाहुणे आंतरराष्ट्रीय कबड्डीपटू आम्रपाली गलांडे आणि सी. एस. के. फाउंडेशनचे अध्यक्ष तेजस कोद्रे हे उपस्थित होते.

श्रावस्ती खंडीभरड या विद्यार्थिनीच्या भरतनाट्यम नृत्याने पाहुण्यांचे स्वागत करण्यात आले. निवडून आलेल्या प्रमुख प्रतिनिधी विद्यार्थ्यांना पद व पदग्रहणानंतर शपथ देण्यात आली.

याप्रसंगी विद्यालयाचे मुख्याध्यापक प्रशांत गोरे यांनी विद्यार्थी प्रतिनिधींचे अभिनंदन केले. विद्यार्थी प्रतिनिधी अंश शिंदे आणि विद्यार्थिनी प्रतिनिधी ऐश्वर्या जगताप यांनी मनोगत व्यक्त केले.
कार्यक्रमाचे सूत्रसंचालन ऋतुजा जोशी आणि आराध्य गिरमे, तर शिल्पा पुनाळकर यांनी आभार मानले.

खराडी ः शारदाबाई पवार विद्यालयात निवडून आलेले विद्यार्थी प्रतिनिधी आणि शिक्षक.
(MUN2Jully03-p3)