वाघोलीत मिरवणुकीदरम्यान शॉक लागून तरुणाचा मृत्यू

वाघोली, ता. ७ : देवीच्या मिरवणुकीदरम्यान शॉक बसून तरुणाचा मृत्यू झाला. ही घटना सोमवारी रात्री ९.३० वाजण्याच्या सुमारास उबाळेनगर परिसरात घडली. नितीन पवार (वय २२, रा. उबाळेनगर) असे मृत तरुणाचे नाव आहे. त्याचा आठ महिन्यापूर्वीच विवाह झाला होता. कोजागरी पौर्णिमेच्या दिवशी सायंकाळी देवीच्या मिरवणुकीत तो सहभागी झाला होता. मिरवणुकीत एका ट्रॅक्टरच्या मागे असताना त्याला शॉक बसला आणि त्याचा मृत्यू झाला. मृतदेह शवविच्छेदनानंतर त्याच्या कर्नाटक येथील मूळगावी अंत्यसंस्कारासाठी नेण्यात आला. पोलिसांनी आकस्मित मृत्यूची नोंद केली आहे.