दुचाकी आणि टेंपोची कोयत्याने तोडफोड

घोरपडी, ता. २ ः बी. टी. कवडे रस्त्यावर आज सायंकाळी सातच्या सुमारास दोन अज्ञात तरुणांनी कोयत्याच्या साह्याने चार दुचाकी आणि दोन टेंपोची तोडफोड केली. या घटनेत वाहनांच्या काचा फुटल्या तसेच कोयत्यामुळे वाहनांचेही मोठे नुकसान झाले आहे.
गजबजलेल्या रस्त्यावर दोन तरुणांनी कपड्यात लपवून आणलेले कोयते बाहेर काढले व तिथे उभ्या असलेल्या वाहनांवर हल्ला केला आणि घटनास्थळावरून पळ काढला. यापूर्वी काही महिन्यांपूर्वी वाहनांच्या काचा फोडण्यात आल्या होत्या. घटनेची माहिती मिळताच पोलिसांनी घटनास्थळी जाऊन पंचनामा केला. परिसरातील सीसीटीव्ही फूटेज तपासण्याचे काम सुरू आहे. प्राथमिक तपासानुसार ही घटना एखाद्या जुन्या वादातून किंवा दहशत निर्माण करण्याच्या उद्देशाने घडवण्यात आली असावी, असा अंदाज व्यक्त करण्यात येत आहे.

फोटोः 02281