फ्लॉवर, वांगी आणि कोबीच्या भावात घट मार्केट यार्ड ः लसूण आणि काकडीच्या भावात वाढ, फळभाज्यांचे भाव स्थिर

मार्केट यार्ड, ता. १९ : गुलटेकडी मार्केटयार्डमध्ये रविवारी (ता.१९) गेल्या आठवड्याच्या तुलनेत फळभाज्यांची आवक वाढली आहे, परिणामी फ्लॉवर, वांगी आणि कोबीच्या भावात घट झाली आहे. लसूण आणि काकडीच्या भावात वाढ झाली असून अन्य सर्वच फळभाज्यांचे भाव स्थिर असल्याची माहिती व्यापाऱ्यांनी दिली.

गुलटेकडी मार्केटयार्डमध्ये रविवारी (ता.१९) राज्याच्या विविध भागांसह परराज्यांतून सुमारे ९० ते १०० ट्रक फळभाज्यांची आवक झाली. भाजीपाल्याच्या आवकेमध्ये परराज्यांतून झालेल्या आवकेमध्ये गुजरात, कर्नाटक येथून हिरवी मिरची सुमारे १४ ते १५ टेम्पो, कर्नाटक, गुजरात येथून कोबी २ ते ३ टेम्पो, आंध्रप्रदेश, तमिळनाडू येथून ३ ते ४ टेम्पो शेवगा, राजस्थान येथून ५ ते ६ टेम्पो गाजर, कर्नाटक येथून घेवडा ३ ते ४ टेम्पो, भुईमूग शेंग गुजरात व कर्नाटक येथून प्रत्येकी २ टेम्पो, मध्य प्रदेश येथून १३ ते १४ टेम्पो व पंजाब येथून १ ट्रक मटार, कर्नाटक येथून पावटा २ ते ३ टेम्पो, मध्यप्रदेश येथून लसूण सुमारे ५ ते ६ टेम्पो आवक झाली होती. तर स्थानिक भागातून झालेल्या आवकेमध्ये सातारी आले सुमारे ६०० ते ७०० गोणी, भेंडी ५ ते ६ टेम्पो, गवार ५ ते ६ टेम्पो, टोमॅटो सुमारे अकरा ते बारा हजार क्रेट्स, हिरवी मिरची ५ ते ६ टेम्पो, काकडी ४ ते ५ टेम्पो, फ्लॉवर १० ते १२ टेम्पो, कोबी ५ ते ६ टेम्पो, सिमला मिरची १० ते १२ टेम्पो, गाजर ३ ते ४ टेम्पो, पावटा २ ते ३ टेम्पो, तांबडा भोपळा १० ते १२ टेम्पो, कांदा जुना सुमारे ५० ते ६० ट्रक, नवीन २५ ते ३० ट्रक इंदूर, आग्रा, स्थानिक भागातून बटाटा ३५ ते ४० टेम्पो आवक झाली होती, अशी माहिती मार्केटयार्ड येथील ज्येष्ठ अडतदार विलास भुजबळ यांनी दिली.

फळभाज्यांचे दहा किलोचे भाव ः कांदा : जुना - ३५०-४२०, नवीन - ४००-४५०, बटाटा : १३०-२००, लसूण : १२००-२०००, आले सातारी : ९५०-१२००, भेंडी : ३००- ५००, गवार : गावरान व सुरती ३००-६००, टोमॅटो : १५०-२२०, दोडका : ३००-३५०, हिरवी मिरची : २५०-३५०, दुधीभोपळा : १००-२००, चवळी : ३००-३५०, काकडी : ३००-४००, कारली : हिरवी १००-१५०, पांढरी : १००-१५०, पापडी : ३००-३५०, पडवळ : १२०-१५०, फ्लॉवर : १००-१४०, कोबी : ४०-१००, वांगी : १००-२००, डिंगरी : ३००-३५०, नवलकोल : ८०-१००, ढोबळी मिरची : २५०-३००, तोंडली : कळी ३००-३५०, जाड : १५०-१६०, शेवगा : ५००-७००, गाजर : स्थानिक २५०-३००, परराज्य ३००-५००, वालवर : ३००-३५०, बीट : १५०-२००, घेवडा : ३५०-४५०, कोहळा : १००-१५०, आर्वी: २५०-३००, घोसावळे : २००-२५०, ढेमसे : ३००-३५०, भुईमूग शेंग : ६००-७००, मटार : ५००-६००, पावटा : ४००-५५०, तांबडा भोपळा : १००-१५०, सुरण : १८०-२००, मका कणीस : ५०-१००, नारळ (शेकडा) : १०००-१६००.

शेपू, पुदीना आणि चवळीच्या भावात घट
मार्केटयार्डात रविवारी शेपू, पुदीना आणि चवळीच्या भावात घट झाली असून चुका आणि मेथीच्या भावात वाढ झाली आहे तर कोथींबीर, कांदापात, चाकवत, करडई, अंबाडी, मुळे आणि राजगिऱ्याचे भाव स्थिर होते. कोथिंबिरीची तब्बल २ लाख जुडी, तर मेथीची १ लाख २५ हजार जुडी इतकी आवक झाली. कोथिंबिरीची तब्बल २ लाख जुडी, तर मेथीची १ लाख २५ हजार जुडी इतकी आवक झाली. पालेभाज्यांचे शेकड्यातील भाव : कोथिंबीर : ५००-१२००, मेथी : ६००-१०००, शेपू : ८००-१०००, कांदापात : ६००-१२००, चाकवत : ४००-७००, करडई : ३००- ७००, पुदीना : ३००-६००, अंबाडी : ४००-७००, मुळे : ६००-१२००, राजगिरा : ४००-७००, चुका : ५००-८००, चवळई : ३००-७००, पालक : ८००-१५००.

कलिंगड, पपई, लिंबू, पेरूच्या भावात घट
फळबाजारात कलिंगड, खरबूज, पपई, लिंबू आणि पेरूच्या भावात घट झाली असून सीताफळाच्या भावात वाढ झाली आहे. चिक्कू, अननस, डाळिंब, मोसंबी आणि संत्र्यांचे भाव स्थिर असल्याची माहिती व्यापाऱ्यांनी दिली. केरळ येथून अननस ५ ट्रक, मोसंबी ६० ते ७० टन, संत्री २० ते २५ टन, डाळिंब २० ते २५ टन, पपई १ ते २ टेम्पो, लिंबांची सुमारे १००० ते १२०० गोणी, कलिंगड २ ते ३ टेम्पो, खरबूज १ ते २ टेम्पो, सीताफळ २० ते २५ टन, चिक्कू १ हजार बॉक्स, इतकी आवक झाल्याची माहिती व्यापाऱ्यांनी दिली. फळांचे भाव पुढीलप्रमाणे ः लिंबे (प्रतिगोणी) : ४००-७००, मोसंबी : (३ डझन): १५०-३५०, (४ डझन) : ६०-१६०, संत्री : (१० किलो) : १५०-६००, डाळिंब (प्रतिकिलोस) : भगवा : ६०-२००, गणेश : १०-३०, आरक्ता १०-६०, कलिंगड : ५-१३, खरबूज : १०-२०, पपई : ५-२०, चिक्कू (दहा किलो) : १००-५००. सीताफळ (एक किलो) : २०-१८०, पेरू (वीस किलो) ३००-५००, बोरे (दहा किलो) चमेली : ३२०-३५०, उमराण : १५०-१८०, चेकटन : ६५०-८५०, चण्यामण्या : ८००-९००.

फुलांच्या भावात घसरण
फुलांच्या भावात घसरण झाली आहे. गेल्या आठवड्यात दिवाळीमुळे फुलांना मागणी होती. मात्र, सध्या आवक जास्त होत असून तुलनेने मागणी कमी असल्याने भावातही घसरण झाली आहे. फुलांचे प्रतिकिलोचे दर पुढीलप्रमाणे : झेंडू : १०-३०, गुलछडी : २०-४०, अ‍ॅष्टर : जुडी १०- २०, सुट्टा ५०-१००, कापरी : २०-३०, शेवंती : १०-४०, (गड्डीचे भाव)
गुलाबगड्डी : ५-१५, गुलछडी काडी : १०-५०, डच गुलाब (२० नग) : ६०-१२०, जर्बेरा : २०-४०, कार्नेशियन : ५०-१००, शेवंती काडी १००-१५०, लिलियम (१० काड्या) ८००-९००, आर्चिड ४००- ५००, ग्लॅडिओ (१० काड्या) : ८०-१२०, जिप्सोफिला : २५०-३५०,जुई ५००-७००.