आवक कमी झाल्याने मासळीच्या भावात वाढ

मार्केट यार्ड, ता. ११ : देशाच्या पूर्व व पश्चिम किनारपट्टीहून गणेश पेठेतील मासळी बाजारात मासळीची आवक कमी प्रमाणात होत आहे. उन्हामुळे मासेमारीचे प्रमाण कमी झाले आहे. मागणीच्या तुलनेने आवक कमी होत असल्याने मासळीच्या भावात मागील आठवड्याच्या तुलनेने ३० ते ४० टक्क्यांनी वाढ झाली होती, तर चिकन, मटण आणि गावरान व इंग्लिश अंडीचे दर स्थिर होते.
गणेश पेठेतील मासळी बाजारात रविवारी (ता. ११) खोल समुद्रातील मासळी १५ ते २० टन, खाडीच्या मासळीची सुमारे २०० ते ४०० किलो आणि नदीच्या मासळीची ५०० ते ७०० किलो इतकी आवक झाली. आंध्रप्रदेश येथून रहू, कटला आणि सिलनची सुमारे २० ते २५ टन इतकी आवक झाल्याची माहिती मासळीचे घाऊक व्यापारी ठाकूर परदेशी, चिकन-अंड्याचे व्यापारी रूपेश परदेशी आणि मटणाचे विक्रेते प्रभाकर कांबळे यांनी दिली.

खोल समुद्रातील मासळी (प्रतिकिलोचे दर) : पापलेट : कापरी : १८००-२०००, मोठे : १८००- २०००, मध्यम : १४००-१६००, लहान : १००-१४००, भिला : ९००, हलवा : ८००-९००, सुरमई : लहान व मोठी : १२००-१४००, रावस : लहान ९००-१०००, मोठा ११००-१२००, घोळ : ८००-९००, करली : ३००-४००, करंदी सोललेली : ५००-६००, भिंग : ३००-४००, पाला : १५००-१६००, वाम : पिवळी १२००-१४००, काळी : ५००-७००, ओले बोंबील : २५०-३००. कोळंबी : लहान : २५०-४००, मोठी : ४००-७००, जम्बो प्रॉन्स : १६००-१८००, लॉबस्टर : २२००-२५००, मोरी : ३००-४००, मांदेली : १५०-२००, राणीमासा : ३००-३५०, खेकडे लाल : ३००-४००, चिंबोऱ्या : ८००-१०००.
खाडीची मासळी : सौंदाळे : ३००-३५, खापी : ३००-३५०, नगली : ७००-८००, तांबोशी : ६००, पालू : ३००-३५०, लेपा : २८०-३२०, बांगडा : २५०-३५०, शेवटे : ३००-३५०, पेडवी : ८०-१००, बेळुंजी : १४०-१५०, तिसऱ्या : २४०-२५०, खुबे : १५०-१८०, तारली : २००-२५०.
नदीतील मासळी : रहू : १६०-२००, कतला : १६०-२००, मरळ : ४५०, शिवडा : २००-२५०, खवली : २००-२५०, आम्ळी : १५०-१८०, खेकडे : २५०-६००, चिलापी : १००-२००, वाम : ५००-६००.
मटण : बोकडाचे ७८०, बोलाईचे ७८०, खिमा ७८०, कलेजी ८२०.
चिकन २२०, लेगपीस २७०, जिवंत कोंबडी १५०, बोनलेस ३२०.
अंडी : गावरान (शेकडा) ९८०, डझन १३०, प्रतिनग ११. इंग्लिश (शेकडा) ४६५, डझन ७२, प्रतिनग ६.
----------------