मटारच्या भावात वाढ, तर घेवडा स्वस्त

मार्केट यार्ड, ता. २२ : श्री संत तुकाराम महाराज व श्री संत ज्ञानेश्‍वर महाराज यांची पालखी आळंदी ते पंढरपूरला जात आहे. त्यामुळे पुण्यात येणारे काही रस्ते शनिवारी (ता. २१) बंद असल्याने रविवारी (ता. २२) बाजारात फळभाज्यांची आवक काही प्रमाणात घटली होती. मागणी अधिक असल्याने हिरवी मिरची आणि गाजराच्या भावात ५ ते १० टक्क्यांनी वाढ झाली होती. अन्य सर्वच प्रकारच्या फळभाज्यांचे भाव मागील आठवड्याच्या तुलनेने स्थिर असल्याची माहिती अडते असोसिएशनचे माजी अध्यक्ष विलास भुजबळ यांनी दिली.
गुलटेकडी मार्केट यार्डात रविवारी राज्याच्या विविध भागांसह परराज्यांतून सुमारे ८० ट्रक फळभाज्यांची आवक झाली. परराज्यांतून झालेल्या आवकेमध्ये कर्नाटक येथून कोबी ३ ते ४ टेम्पो, आंध्र प्रदेश आणि तमिळनाडू येथून शेवगा ३ ते ४ टेम्पो, इंदूर येथून गाजर ९ ते १० टेम्पो, कर्नाटक आणि हिमाचल प्रदेश येथून घेवडा ३ ते ४ टेम्पो, हिमाचल प्रदेश येथून मटार ३ ते ४ टेम्पो, आंध्र प्रदेश आणि तमिळनाडू येथून कैरी ३ ते ४ टेम्पो, मध्य प्रदेश येथून लसूण सुमारे ८ ते १० टेम्पो, तर इंदूर, आग्रा व स्थानिक भागांतून बटाट्याची ३० ते ३५ टेम्पो इतकी आवक झाली होती.
स्थानिक भागातून झालेल्या आवकेमध्ये सातारी आले सुमारे ५०० ते ५५० गोणी, भेंडी ५ ते ६ टेम्पो, गवार ३ ते ४ टेम्पो, टोमॅटो ७ ते ८ हजार क्रेट, हिरवी मिरची ४ ते ५ टेम्पो, काकडी ७ ते ८ टेम्पो, फ्लॉवर १० ते १२ टेम्पो, कोबी ५ ते ६ टेम्पो, ढोबळी मिरची ८ ते १० टेम्पो, भुईमूग शेंग १०० ते १२५ गोणी, तांबडा भोपळा १० ते १२ टेम्पो, कांदा सुमारे ३० टेम्पो इतकी आवक झाल्याची अडते भुजबळ यांनी दिली.

फळभाज्यांचे दहा किलोचे भाव : कांदा : १५०-१८०, बटाटा : १४०-२२०, लसूण : ४००-१०००, आले सातारी : २५०-२८०, भेंडी : ३००-५००, गवार : ७००-८००, टोमॅटो : १५०-२५०, दोडका : ५००-६००, हिरवी मिरची : ४००-५००, दुधी भोपळा : १००-२००, चवळी : २५०-३००, काकडी : २००-३००, कारली : हिरवी ३५०-४००, पांढरी : ३००-३५०, पापडी : ४५०-५००, पडवळ : २५०-३००, फ्लॉवर : १६०-२००, कोबी : १४०-१५०, वांगी : ३००-५००, डिंगरी : ५००-६००, नवलकोल : ६०-८०, ढोबळी मिरची : ५००-५५०, तोंडली : कळी : ४००-४५०, जाड : २००-२२०, शेवगा : ८००-९००, गाजर : ५००-५५०, वालवर : ७००-८००, बीट : २००-२२०, घेवडा : १००-११०, कोहळा : १००-१५०, आर्वी : २५०-३००, घोसावळे : २००-२५०, ढेमसे : २५०-३००, भुईमूग शेंग : ४००-५००, मटार : परराज्य : १०००-११००, पावटा : ६००-७००, तांबडा भोपळा : १००-१५०, तोतापुरी कैरी : १००-२५०, सुरण : १८०-२००, मका कणीस : ५०-१००, नारळ (शेकडा) : १०००-१६००

कोथिंबिरीचे भाव घटले
गुलटेकडी येथील मार्केट यार्डात मागणीच्या तुलनेत पालेभाज्यांची आवक स्थिर होती. कोथिंबिरीची आवक वाढल्याने भावात घट झाली आहे, तर बाकी सर्व प्रकारच्या पालेभाज्यांचे भाव स्थिर असल्याची माहिती व्यापाऱ्यांनी दिली.
मार्केट यार्डातील घाऊक बाजारात रविवारी कोथिंबिरीची सुमारे दीड लाख जुडी, तर मेथीची २० हजार जुडींची आवक झाली होती.
पालेभाज्यांचे शेकड्यातील भाव : कोथिंबीर : ५००-१२००, मेथी : १५००-२५००, शेपू : १०००-१५००, कांदापात : ८००-१५००, चाकवत : ६००-७००, करडई : ३००-८००, पुदिना : ५००-१०००, अंबाडी : ४००-७००, मुळे : ५००-१५००, राजगिरा : ४००- ७००, चुका : ३००-७००, चवळई : ३००-७००, पालक : १५००-२०००.

डाळिंब, पपई, चिक्कू, कलिंगडाच्या भावात वाढ
पालखी सोहळ्यामुळे अनेक ठिकाणचे रस्ते बंद आहेत. त्यामुळे बाजार समितीच्या फळ बाजारात डाळिंब, पपई, चिक्कू, कलिंगड, खरबुजाच्या भावात दहा टक्के वाढ झाली होती. मागणी आणि पुरवठा यातील समतोलामुळे उर्वरित फळांचे भाव मागील आठवड्याच्या तुलनेने स्थिर असल्याची माहिती व्यापाऱ्‍यांनी दिली.
मार्केट यार्ड फळबाजारात रविवारी मोसंबी १२ ते १५ टन, संत्री १ ते २ टन, डाळिंब २० ते २५ टन, पपई १५ ते २० टेम्पो, लिंबांची सुमारे एक ते दीड हजार गोणी, कलिंगड ३ ते ४ टेम्पो, खरबूज १ ते २ टेम्पो, चिकू १०० बॉक्स, पेरू ३०० ते ४०० क्रेटस, अननस ५ ट्रक, सीताफळ २० ते ४० क्रेटस्, तर जांभळाची ४ ते ५ पिकअप इतकी
आवक झाली होती.
फळांचे भाव पुढीलप्रमाणे - लिंबे (प्रतिगोणी) : १००-४००, मोसंबी : (३ डझन) : २२०-३५०, (४ डझन) : १००-१८०, संत्री : (१० किलो) : २००-८००, डाळिंब (प्रतिकिलोस) : भगवा : ४०-१४०, आरक्ता : १०-६०, गणेश : ५-३०, कलिंगड : ५-१५, खरबूज : १०-३०, पपई : ८-२०, चिक्कू (दहा किलो) : १००-१४००, पेरू (२० किलो) : ३००-५००, अननस (१ डझन): १००-६००, सीताफळ (१ किलो) : ५०-३००. जांभूळ १०० ते २००.

फुलांचे दर स्थिर
पालखी सोहळ्यानंतर रविवारी सर्व प्रकारच्या फुलांची आवक वाढली होती, मात्र मागणी कमी असल्याने गेल्या आठवड्याच्या तुलनेत फुलांचे दर स्थिर होते.
फुलांचे प्रतिकिलोचे दर पुढीलप्रमाणे : झेंडू : १०-२५, गुलछडी : २०-५०, अ‍ॅष्टर : जुडी २०-३०, सुट्टा ६०-१००, कापरी : ३०-४०, शेवंती : ६०-१००, (गड्डीचे भाव) गुलाबगड्डी : १०-२०, गुलछडी काडी : २०-४०, डच गुलाब (२० नग) : ३०-६०, जरबेरा : २०-३०, कार्नेशियन : १५०-२००, शेवंती काडी : २००-३५०, लिलियम (१० काड्या) : ८००-१०००, ऑर्चिड : ४००-५००, ग्लॅडिओ (१० काड्या) : ८०-१२०, जिप्सोफिला : १००-२००, मोगरा : ३००-५००.