सव्वा कोटी नवकार महामंत्राचा एकत्रितपणे होणार जप

मार्केट यार्ड, ता. ११ : परिवर्तन चातुर्मास २०२५ अंतर्गत उपाध्याय प.पू. श्री प्रवीणऋषीजी, दक्षिणज्योती प. पू. श्री आदर्शज्योतीजी आणि जिनशासन गौरव प.पू. श्री सुनंदाजी यांच्या सान्निध्यात २० जुलै रोजी ऐतिहासिक कार्यक्रमाचे आयोजन केले आहे. या वेळी एकत्रितपणे सव्वा कोटी नवकार महामंत्र जप करणार आहेत.

हा उपक्रम जैन समाजाच्या श्रद्धा, साधना आणि सामूहिक शक्तीचे प्रतीक ठरणार आहे. यामध्ये ६ हजारांहून अधिक कुटुंबे एकत्र येऊन नवकार महामंत्राचा सामूहिक जप करणार आहेत. या आध्यात्मिक महासंयोजनासाठी परिवर्तन चातुर्मास समितीचे उपाध्यक्ष विशाल चोरडिया, विलास पालरेशा आणि सुरेंद्र संचेती यांनी समाजातील सर्व घटकांना सहभागी होण्याचे आवाहन केले आहे.
परिवर्तन चातुर्मास समितीचे उपाध्यक्ष विशाल चोरडिया यांनी सांगितले की,नवकार महामंत्राची शक्ती अनंत आहे. आत्मकल्याणाच्या दिशेने जाणारा हा एक सामूहिक प्रयत्न आहे, ज्यामध्ये प्रत्येक पुणेकराचा सहभाग आवश्यक आहे.