सर्वप्रकारच्या फळभाज्यांचे भाव स्थिर

मार्केट यार्ड, ता. ३ : बाजारात गेल्या आठवड्याच्या तुलनेत शेतीमालाची आवक स्थिर आहे. पावसामुळे शेतात झालेल्या चिखलामुळे आले काढता येत नसल्याने त्याची आवक कमी झाली आहे. त्यामुळे भावात १० ते २० टक्क्यांनी वाढ झाली. तर इतर सर्व प्रकारच्या फळभाज्यांचे भाव स्थिर होते तर श्रावणी सोमवारमुळे फुलांना मागणी वाढली होती.

गुलटेकडी मार्केटयार्डात रविवारी राज्यासह परराज्यांतून सुमारे ९० ट्रक फळभाज्यांची आवक झाली. कर्नाटक, गुजरात, आंध्र प्रदेश, उत्तर प्रदेश येथून हिरवी मिरची १० टेम्पो, कर्नाटकातून कोबी चार टेम्पो, पावटा तीन टेम्पो, घेवडा तीन टेम्पो, आंध्र प्रदेश आणि तमिळनाडूतून शेवगा चार टेम्पो, इंदूर येथून गाजर १० टेम्पो, तमिळनाडूतून तोतापुरी कैरी एक टेम्पो, गुजरात येथून भुईमूग शेंगा दोन टेम्पो, मध्यप्रदेशातून लसणाची १२ टेम्पो तर इंदूर, आग्रा, स्थानिक भागातून बटाट्याची ६० टेम्पो आवक झाली.
स्थानिक भागातून सातारी आले ५०० गोणी, भेंडी सहा टेम्पो, गवार पाच टेम्पो, टोमॅटो आठ हजार क्रेट, हिरवी मिरची चार टेम्पो, काकडी आठ टेम्पो, फ्लॉवर १० टेम्पो, कोबी सहा टेम्पो, ढोबळी मिरची १० टेम्पो, शेवगा तीन टेम्पो, भुईमूग शेंगा ६० गोणी, मटार ५०० गोणी, तांबडा भोपळा १२ टेम्पो तर कांद्यांची १०० टेम्पो आवक झाली, अशी माहिती ज्येष्ठ अडते विलास भुजबळ यांनी दिली.

फळभाज्यांचे १० किलोचे भाव : कांदा : १२०-१५०, बटाटा : ११०-१६०, लसूण : ३००-९००, आले सातारी : ३००-५००, भेंडी : ३००-४००, गवार : ५००-७००, टोमॅटो : ३००-४००, दोडका : ३५०-४५०, हिरवी मिरची : ५००-६००, दुधी भोपळा : १५०-२००, चवळी : २००-२५०, काकडी : १६०-२००, कारली : हिरवी : २००-२५०, पांढरी : २००-२२०, पापडी : ३५०-४००, पडवळ : १५०-२००, फ्लॉवर : १४०-१६०, कोबी : ८०-१००, वांगी : २६०-४००, डिंगरी : २५०-३००, नवलकोल : ५०-६०, ढोबळी मिरची : ३५०-४००, तोंडली : कळी : ३५०-४००, जाड : १८०-२००, शेवगा : ३५०-४००, गाजर : २५०-३००, वालवर : ४००- ४५०, बीट : १५०-१८०, घेवडा : ४००-४५०, कोहळा : १००-१५०, आर्वी : १५०-२००, घोसावळे : २००-२५०, ढेमसे : २००-२५०, भुईमूग शेंग : ५००-६००, मटार : स्थानिक मटार : ८००-९००, पावटा : ४००-५००, तांबडा भोपळा : १००-१५०, तोतापुरी कैरी : ७००-८००, सुरण : १८०-२००, मका कणीस : ५०-१००, नारळ (शेकडा) : १०००-१६००.

कोथिंबिरीला मागणी
नवीन पालेभाज्यांची आवक काही प्रमाणात वाढली आहे. कोथिंबिरीला मागणी जास्त असल्याने भावात काहीशी वाढ झाली तर मेथीच्या भावात घट झाली. इतर सर्व प्रकारच्या पालेभाज्यांचे भाव गेल्या आठवड्याच्या तुलनेने स्थिर होते. घाऊक बाजारात रविवारी कोथिंबिरीची सुमारे सव्वा लाख जुडी तर मेथीची ६० हजार जुडींची आवक झाली.
पालेभाज्यांचे शेकड्यातील भाव : कोथिंबीर : ८०० ते १५००, मेथी : ७००-१०००, शेपू : ५००-८००, कांदापात : ५००-१५००, चाकवत : ४००-६००, करडई : ३००-६००, पुदिना : २००-५००, अंबाडी : ४००-६००, मुळे : ८००-१५००, राजगिरा : ४००- ६००, चुका : ५००-८००, पालक : ८००-१२००.

पपई, पेरू, डाळिंब स्वस्त
श्रावण महिन्यातील उपवासांमुळे फळ बाजारात सर्व प्रकारच्या फळांची आवक वाढली होती. त्यामुळे सीताफळांच्या भावात किलोमागे १० रुपयांनी वाढ झाली तर लिंबाच्या भावात गोणीमागे ५० रुपये वाढ झाली. आवक वाढल्याने पपई, पेरू आणि डाळिंबाच्या भावात पाच ते दहा टक्के घट झाली, अशी माहिती व्यापाऱ्‍यांनी दिली.
फळबाजारात मोसंबीची ६० टन, संत्रा दोन टन, डाळिंब ६० टन, पपई ४० टेम्पो, लिंबांची १२०० गोणी, कलिंगड सहा टेम्पो, खरबूज पाच टेम्पो, चिक्कू ५०० गोणी, पेरू १२०० क्रेटस, अननस पाच ट्रक तर सीताफळांची आठ टन आवक झाली.
फळांचे भाव पुढीलप्रमाणे- लिंबे (प्रतिगोणी) : ३५०-४००, मोसंबी : (३ डझन) : १००-२५०, (४ डझन) : ३०-९०, संत्रा : (१० किलो) : १००-६००, डाळिंब (प्रतिकिलोस) : भगवा : ६०-२५०, आरक्ता : १०-५०, गणेश : ५-४०, कलिंगड : १५-२५, खरबूज :
२०-३०, पपई : १८-३०, चिक्कू (१० किलो) : १००-६००, पेरू (२० किलो) : २५०-४००, अननस (१ डझन) : १००-७००, सीताफळ (१ किलो) : ३०-१४०.

गुलछडी, गुलाबगड्डी, जुईला भाव
श्रावण महिन्यामुळे फूलबाजारात रविवारी फुलांची आवक बेताची होती. श्रावणी सोमवारमुळे फुलांना मागणी वाढली. गुलछडी, गुलाबगड्डी, जर्बेरा, कार्नेशियन, जुईच्या फुलांचे भावात काहीशी वाढ झाली. उर्वरित सर्व प्रकारच्या फुलांचे भाव टिकून होते, अशी माहिती फुलांचे अडते धनंजय भोसले यांनी दिली.
फुलांचे प्रतिकिलोचे भाव पुढीलप्रमाणे : झेंडू : २०-८०, गुलछडी : ३०-१२०, अॅष्टर : जुडी : ३०-४०, सुट्टा : १००-१५०, कापरी : ४०-८०, शेवंती : ३०-१००, (गड्डीचे भाव) गुलाबगड्डी : १०-२०, गुलछडी काडी : ८-२०, डच गुलाब (२० नग) : ५०-१५०, जर्बेरा : ३०-६०, कार्नेशियन : १५०-२५०, शेवंती काडी : १५०-२५०, लिलियम (१० काड्या) : ४००-१०००, ऑर्चिड : २५०-४००, ग्लॅडिओ (१० काड्या) : ५०-१००, जिप्सोफिला : ८०-१५०, जुई : ६००-१०००.