आर. एम. डी. शाळेचे स्नेहसंमेलन उत्साहात

मार्केट यार्ड, ता. २६ : रसिकलाल एम. धारिवाल इंग्लिश मीडियम स्कूल अँड ज्युनिअर कॉलेजमध्ये दोन दिवसीय वार्षिक स्नेहसंमेलन व पारितोषिक वितरण सोहळा उत्साहात झाला. ‘भारतीय सण, उत्सव आणि त्यामागील पार्श्वभूमी’ ही मध्यवर्ती संकल्पना ठेवून विविध सांस्कृतिक कार्यक्रम झाले.
प्रमुख पाहुणे म्हणून आमदार योगेश टिळेकर आणि शिक्षणतज्ज्ञ डॉ. परिमला सुब्रह्मण्यम उपस्थित होते. संस्थापिका शोभा धारिवाल, संस्थेचे अध्यक्ष पोपटलाल ओस्तवाल, संचालक अविनाश कोठारी, खुशालचंद्र बोरा, नितीन ओस्तवाल, ललित ओस्तवाल, व्यवस्थापक ज्ञानेश्वर देशमुख, मुख्याध्यापिका स्वाती बहुलेकर, उपमुख्याध्यापिका डॉ. संध्या नाडगौडा, शिक्षक, शिक्षकेतर कर्मचारी, विद्यार्थी आणि पालक मोठ्या संख्येने उपस्थित होते. स्नेहसंमेलनात स्वागतगीत, सामूहिक तबलावादन, नृत्य-नाटिका, गीत रामायणाच्या धर्तीवरील सणानुसार सादरीकरण आदी कार्यक्रम रंगतदार झाले. मुख्याध्यापिका स्वाती बहुलेकर यांनी वार्षिक अहवाल सादर केले. उल्लेखनीय कामगिरी केलेल्या विद्यार्थी व शिक्षकांचा पुरस्कार देऊन गौरव करण्यात आला.