मुंबई पुणे महामार्गावर 'ट्रॅफिक जाम', सलग सुट्ट्यांमुळे मोठी गर्दी

मुंबई पुणे द्रुतगती महामार्गावर मोठ्या प्रमाणात वाहतूक कोंडी झाली आहे. सलग चार दिवस सुट्ट्या असल्याने पर्यटकांनी शहरांबाहेर जाण्याचे प्लॅन्स केल्याचं दिसतंय. यामुळे खंडाळा घाटात लांबचं लांब रांगा लागल्याचं पाहायला मिळतंय. (Mumbai Pune Express Way Traffic Jam)

बोर घाटात देखील ट्रॅफिक जाम झालं आहे. तासाभरापासून ही रांग लागल्याची माहिती मिळत आहे. बोर घाटात पुण्याकडे जाणाऱ्या वाहनांची गर्दी वाढली आहे. खालापूर टोल नाक्यावरही रांगा लागल्या आहेत. तर, लोणावळ्यातही मुंबईकडे येणाऱ्या काही भागात वाहनांची गर्दी झाली आहे.

मुंबईवरुन पुण्याकडे येताना असणाऱ्या मोठ्या चढामुळे जड वाहनांची वाहतूक मंदावते. त्यामुळे याठिकाणी वाहनांच्या रांगा लागत जातात. अनेकदा या भागात वाहतूक कोंडी झालेली असते, त्यामुळे एक्सप्रेस वे असूनंही वाहनांची गती मात्र १० ते २० किमी प्रती तास असते.