Pune News : पुण्यात नियम तोडणाऱ्या पोलीसांच्या वाहनावरच वाहतूक विभागाने कारवाई केली आहे. या वाहनावर चलन फाडून पोलीस अधिकाऱ्याकडून दंड वसूल करण्यात आला आहे.
या घटनेची अधिकृत माहिती वाहतूक विभागाच्या अधिकृत अकाउंटवरून देण्यात आली असून पुण्यात सध्या या कारवाईची चर्चा रंगली आहे.
अधिक माहितीनुसार, पुणे पोलिस दलातून अधिकारी कर्मचारी यांनी मजूर अड्डा या ठिकाणी फुटपाथवर गाडी उभी केली होती. विचित्र पद्धतीने आणि नियम डावलून गाडी उभी केल्यामुळे नागरिकांना चालताना त्रास सहन करावा लागला होता. (Latest Marathi News)
वाहतूक विभागाला या गोष्टीची माहिती मिळताच त्यांनी तात्काळ या वाहनावर कारवाई करत चलन तयार केले. ज्या अधिकाऱ्याच्या अधिपत्याखाली ही गाडी होती अशा पोलीस अधिकाऱ्याकडून व्यक्तिगत चलन दंड सुद्धा आकारण्यात आला आहे.
या घटनेबाबत वाहतूक पोलिसांनी स्वतः ही बाब ट्विटर वर प्रसारित केली आहे. दरम्यान, पोलिसांच्या वाहनावरच कारवाई केल्यामुळे आता समाजात चांगला संदेश पोहचू शकतो.
अनेकदा वाहतूक पोलिसांकडून काही वाहनांवर कारवाई केली जात नाही असे आरोप अनेकदा त्यांच्यावर केले जातात. पण पोलिसांच्या वाहनावरच कारवाई केल्यामुळे आता चांगला संदेश पोहचू शकतो असं मत अनेकांनी व्यक्त केलं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.