Special Traffic Drive Against Rule-Breaking Auto-Rickshaws
Sakal
पुणे : भाडे नाकारणे, नो पार्किंगमध्ये रिक्षा उभी करून वाहतुकीस अडथळा निर्माण करणाऱ्या आणि वाहतुकीच्या नियमाचे उल्लंघन करणाऱ्या एक हजाराहून अधिक रिक्षा चालकांवर वाहतूक पोलिसांकडून कारवाई करण्यात आली आहे. शहरातील रिक्षा वाहतुकीतील वाढता अनागोंदीपणा लक्षात घेऊन शहर वाहतूक शाखेने १० नोव्हेंबरपासून विशेष मोहिम हाती घेतली आहे. विशेष पथकाकडून १७ दिवसांत शहरातील विविध भागांमध्ये अवैधपणे धावणाऱ्या तसेच नियमभंग करणाऱ्या एक हजार ८७ रिक्षा चालकांवर कारवाई करण्यात आली आहे.