पुणे - पुण्यातील प्रादेशिक मनोरुग्णालयात उपचार घेत असलेल्या तरुणाने गळफास घेऊन जीवन संपविल्याची धक्कादायक घटना समोर आली आहे. सनी सोनवणे (वय-२९, मूळ रा. बारामती) असे मृत तरुणाचे नाव आहे..मिळालेल्या माहितीनुसार, मिशी वाढण्यासाठी केमिकल लावल्यानंतर त्याची मिशी गळून पडली होती. या घटनेमुळे तो प्रचंड नैराश्यात गेला होता. त्यानंतर त्याच्यावर हायपर सायकोसिस या आजारावर उपचार सुरू होते. दोन दिवसांपूर्वी त्याला येरवडा येथील प्रादेशिक मनोरुग्णालयात दाखल करण्यात आले होते..सायंकाळी पाचच्या सुमारास रुग्णालयातील कर्मचारी चहा-नाश्ता देण्यासाठी गेले असता, सनी याने खिडकीला पायजमा अडकवून गळफास घेतल्याचे निदर्शनास आले. त्यानंतर रुग्णालय प्रशासनाने तातडीने पोलिसांना माहिती दिली..पोलिसांनी घटनास्थळी पंचनामा करून मृतदेह शवविच्छेदनासाठी ससून सर्वोपचार रुग्णालयात पाठवला आहे. शवविच्छेदनानंतर मृतदेह कुटुंबीयांच्या ताब्यात देण्यात आला आहे.या घटनेमुळे परिसरात हळहळ व्यक्त होत असून, पुढील तपास सुरू आहे. मनो रुग्णालयाचे अधीक्षक डॉ. श्रीनिवास कोलोड यांनी ही माहिती दिली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
