ओतूर - बनकरफाटा जुन्नर मार्गावर गणपती फाट्याच्या पुढील एस कॉर्नरवर हायवाची व कारची समोरासमोर धडक होऊन झालेल्या अपघातात जुन्नरचे निवडणूक नायब तहसीलदार ठार झाले असून, दोन महसुलाचे कर्मचारी जखमी झाले आहेत..सदर अपघात शनिवारी दुपारी २.३० वाजे दरम्यान बनकरफाटा जुन्नर मार्गावर पांगरीमाथ्याच्या मागे एस कॉर्नरवर झाला असून यात निवडणूक नायब तहसीलदार अनंता बनाजी गवारी (वय-५२) हे गंभीर जखमी होऊन ठार झाले आहेत. तर विजय खर्तोडे (वय-४८) हे दोघे गंभीर जखमी झाले असून तुषार भीमराव कोरडे वय ३५ (सर्व रा. जुन्नर, ता. जुन्नर, जि. पुणे) हे किरकोळ जखमी झाले आहेत..याबाबत स्थानिकांकडून मिळालेली माहिती अशी महसुल अधिकारी होंडा सिटी कार क्र.एम एच १४ के क्यु ०८१२ कार बनकरफाट्या कडुन जुन्नरच्या दिशेने जात होती त्याच वेळी पांगरी माथ्याकडुन बनकरफाट्याच्या दिशेने हायवा येत होता. एस कॉर्नर वर होंडा सिटी कारची व हायवाची समोरासमोर धडक होऊन कारमधील गवारी व खर्तोडे गंभीर जखमी झाले. ही धडक इतकी भिषण होती की कार जी जुन्नरकडे चालली होती. तीचे फिरून परत बनकरफाटा बाजूला तोंड झाले होते..या अपघाताची माहिती मिळताच ओतूर चे सहायक पोलिस निरीक्षक ज्ञानेश्वर बाजगिरे यांच्या मार्गदर्शनाखाली पोलिस कर्मचारी किशोर बर्डे व इतरांच्या पथकाने घटनास्थळी जाऊन स्थानिक नागरीकांच्या मदतीने जखमींना उपचारासाठी रुग्णालयात पाठवले. तसेच अपघाता ग्रस्त वाहने मार्गावर बाजूला करून वाहतूक सुरळीत केली. या अपघातातील गंभीर जखमी गवारी यांना पुणे येथे उपचारासाठी नेत असताना ते मयत झाले..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
