पुणे - भोपाळ येथे वैद्यकीय शिक्षण घेत असलेल्या व क्रीडा स्पर्धेनिमित्त पुण्यात आलेल्या एका तरुणाने स्वतःवर चाकूने वार करून संपविले जीवन. ही घटना वानवडी येथील लष्करी वैद्यकीय महाविद्यालयाच्या (एएफएमसी) आवारात घडली..उत्कर्ष महादेव शिंगणे (वय २०, मुळ रा. भाग्यनगर, बीड) असे जीवन संपविलेल्या विद्यार्थ्याचे नाव आहे. याप्रकरणी वानवडी पोलिस ठाण्यात अकस्मात मृत्यूची नोंद करण्यात आली आहे. पोलिसांनी दिलेल्या माहितीनुसार, उत्कर्ष शिंगे हा बीड येथील रहिवासी होता. तो सध्या मध्य प्रदेशातील भोपाळ येथील वैद्यकीय महाविद्यालयात शिक्षण घेत होता..दरम्यान, वानवडी येथील "एएफएमसी' महाविद्यालयाच्या आवारात आंतरमहाविद्यालयीन क्रीडा स्पर्धेचे आयोजन केले होते. या क्रीडा स्पर्धेच्या उत्कर्ष ८ मे रोजी पुण्यात आला होता. दरम्यान, सोमवारी (ता.१२) पहाटे त्याने एएफएमसी वसतिगृहातील प्रसाधनगृहात स्वत:वर चाकूने वार करत संपविले जीवन.उत्कर्षने आत्महत्येपूर्वी समाजमाध्यमातील त्याच्या स्टेटसवर चिठ्ठी ठेवली होती. त्याच्या आई-वडिलांनाही समाजमामाध्यमाद्वारे चिठ्ठी पाठविली होती. त्यांनी तत्काळ पुणे पोलिसांच्या नियंत्रण कक्षाला याबाबतची माहिती कळविली.पोलिस घटनास्थळी पोहोचले तेव्हा, उत्कर्ष वसतिगृहाच्या प्रसाधनगृहात रक्ताच्या थारोळ्यात पडला होता..पोलिसांनी 'एएफएमसी'तील वैद्यकीय तज्ज्ञांना याबाबत माहिती दिली. मात्र उपचारांपूर्वीच त्याचा मृत्यू झाला होता. पोलिस उपायुक्त डॉ.राजकुमार शिंदे, वरिष्ठ पोलिस निरीक्षक सत्यजीत देशमाने यांच्यासह वरिष्ठ पोलिस अधिकाऱ्यांनी घटनास्थळी भेट दिली. उत्कर्ष नैराश्येचा सामना करत असल्याने त्याच्यावर उपचार सुरु होतत होता.त्याच्यावर उपचार सुरू होतो, अशी माहिती त्याच्याबरोबर असलेल्या सहकाऱ्यांनी दिली. अभ्यासाचा ताण सहन न झाल्याने उत्कर्ष नैराश्यात होता. त्यातूनच त्याने आत्महत्येचा पाऊल उचलण्याचा निर्णय घेतला. त्याने ऑनलाइन पद्धतीने चाकू खरेदी केला होता तसेच त्याने आत्महत्येपूर्वी समाज माध्यमातील स्टेटसवर चिठ्ठी ठेवली होती. या प्रकरणाचा तपास वानवडी पोलिसांडून केला जात आहे..मुघल, फ्रेंच, रशियन नको, शिवाजी महाराजांचा इतिहास शिकवा!उत्कर्षने आत्महत्येपूर्वी समाजमाध्यमातील स्टेटसवर चिठ्ठी ठेवली होती. त्यामध्ये त्याने तो भोपाळमधील "आयआयएमएस' संस्थेत शिक्षण घेत असल्याचा तसेच अभ्यासाचा ताण व नैराश्यामुळे आत्महत्या करत असल्याचे नमूद केले आहे. याबरोबरच 'मी शिक्षण मंत्र्यांना विनंती करत आहे..अभ्यासक्रमात मुघल, फ्रेंच, रशियन इतिहासाचा समावेश करु नये. त्याऐवजी अभ्यासक्रमात छत्रपती शिवाजी महाराज, महाराणा प्रताप यांचा इतिहास शिकविण्यात यावा.' असेही उत्कर्षने चिठ्ठीत म्हंटले आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.
