दौंड - पुणे जिल्ह्यातील दौंड शहरात सुरू असलेल्या संततधार पावसामुळे एका जीर्ण घराची भिंत पत्र्यासह अंगावर पडून एका ज्येष्ठ महिलेचा दुर्देवी मृत्यू झाला आहे. शहरात सलग पाच दिवस संततधार पाऊस पडत आहे. .श्रीमती ताराबाई विश्वचंद्र अहिर - दिपवाल ( वय ७५ , रा. लोटस अपार्टमेंट, श्री विठ्ठल मंदिर रस्ता , दौंड ) यांचा भिंत व पत्र्याखाली सापडल्यामुळे मृत्यू झाला आहे. दौंड शहरातील वडगावकर चाळ परिसरात श्री विमल - पार्श्वनाथ जैन मंदिराकडे जाणार्या रस्त्यावर अहिर यांचे अहिर गुरूजी भवन या जीर्ण घरात वैष्णवी फ्लॅावर मार्ट नावाचे फुले आणि सजावट साहित्याचे दुकान आहे. आज (ता. २६) सकाळी श्रीमती ताराबाई अहिर या नेहमीप्रमाणे दुकानात बसलेल्या असताना दुकान असलेल्या जीर्ण घराची भिंत दुकानाच्या पत्र्यावर कोसळून ताराबाई अहिर यांच्या अंगावर पत्र्यासह कोसळली..गंभीररित्या जखमी झालेल्या ताराबाई अहिर यांना तातडीने रिक्षा मधून शहरातील एका खासगी रूग्णालयात नेण्यात आले. परंतु उपचारांपूर्वीत त्यांचा मृत्यू झाला. ताराबाई अहिर यांच्या पश्चात एक मुलगा, सून, नातवंडे, चार विवाहित मुली, नातवंडे, असा मोठा परिवार आहे..महसूल प्रशासनाच्या वतीने श्रीमती ताराबाई अहिर यांचे अंगावर भिंत कोसळून झालेल्या मृत्यू प्रकरणी अहवाल तयार करून तो वरिष्ठ कार्यालयास सादर करण्यात आला आहे, अशी माहिती दौंड तालुक्याचे तहसीलदार अरूण शेलार यांनी दिली..दौंड पोलिस ठाण्यात मंगलकुमार चंद्रशेखर अहिर यांनी दिलेल्या माहितीनुसार श्रीमती ताराबाई अहिर यांच्या मृत्यू प्रकरणाची अनैसर्गिक - अपमृत्यू म्हणून नोंद करण्यात आली आहे. भारतीय नागरिक सुरक्षा संहित मधील कलम १९४ अन्वये नोंद करण्यात आली असून पोलिस तपास करीत आहेत..सलग पाच दिवस पाऊसदौंड शहरात २१ मे रोजी ३०. ८ मि. मी, २२ मे रोजी ११. ८ मि. मी. , २३ मे रोजी ३१.३ मि. मी आणि २४ मे रोजी ११७.५ मिलीमीटर पावसाची नोंद झालेली आहे. शहरात काल ( ता. २५) झालेल्या जोरदार पावसानंतर आज दुपारी देखील मुसळधार पावसाने हजेरी लावली आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
