वेल्हे, (पुणे) - किल्ले राजगड (ता.राजगड) येथे पर्यटनासाठी पतीसह आलेल्या विवाहित महिला बालेकिल्ल्यावरून उतरताना सुमारे दीडशे फूट कोसळून मृत्यू झाल्याची घटना गुरुवार (ता. ५) रोजी सायंकाळी साडेपाचच्या सुमारास घडली..रात्री उशिरा वेल्हे ग्रामीण रुग्णालयाचे डॉ. शिवाजी कुरणकर यांनी महिलेचा उपचारापूर्वीच मृत्यू झाल्याचे घोषित केले असल्याची माहिती वेल्हे पोलिसांनी दिली असून, याबाबत अधिक तपास वेल्हे पोलिस करत आहेत..कोमल सतीश शिंदे (वय-20) राहणार आळंदी, ता. खेड पुणे असे मृत महिलेचे नाव आहे. याबाबत अधिक माहिती देताना पोलिस म्हणाले,' कोमल ही पतीसह राजगडावर पर्यटनासाठी आली होती..सायंकाळी साडेपाच वाजण्याच्या सुमारास बालेकिल्ला पाहून झाल्यानंतर उतरताना ती कोसळल्याची प्राथमिक माहिती मिळाली आहे. दरम्यान मृतदेह गडावरून खाली आणण्यासाठी पोलीस जवान युवराज सोमवंशी यांच्यासह आपत्ती व्यवस्थापन टीमचे सदस्य तानाजी भोसले, गणेश सपकाळ, संजय चोरघे, निलेश जाधव, संदीप सोळसकर, सनी माने, यांनी गडावर धाव घेत स्ट्रेचरच्या साह्याने मृतदेह गडावरून खाली आणला..दुपारी पाऊस पडल्याने गडावरील वाट निसरडी झाल्याने मृतदेह खाली आणण्यास मोठा अडथळा निर्माण झाला होता. दरम्यान रात्री साडेअकराच्या सुमारास वेल्हे येथील ग्रामीण रुग्णालयाचे डॉक्टर शिवाजी कुरणकर यांनी कोमल हिचा उपचारा पूर्वी मृत्यू झाल्याची माहिती दिली..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
