पुणे शहरातील वरिष्ठ पोलिस निरीक्षकांची बदली

पुणे - शहरातील विमानतळ, फरासखाना, चंदननगर, बिबवेवाडी या चार पोलिस ठाण्याच्या पोलिस निरीक्षकांची बदली करण्यात आली आहे. संबंधित पोलिस ठाण्यात नवीन पोलिस अधिकाऱ्यांची नियुक्ती करण्यात आली आहे.

पोलिस आयुक्त अमिताभ गुप्ता यांच्या आदेशानुसार अतिरीक्त पोलिस आयुक्त डॉ. जालिंदर सुपेकर यांनी संबंधित अधिकाऱ्यांच्या बदलीचे आदेश दिले आहेत. त्यानुसार विमानतळ पोलिस ठाण्याचे वरिष्ठ पोलिस निरीक्षक भरत जाधव यांची विशेष शाखेत बदली करण्यात आली आहे. तर त्यांच्या जागी बिबवेवाडी पोलिस ठाण्याचे वरिष्ठ पोलिस निरीक्षक विलास सोंडे यांची नियुक्ती करण्यात आली आहे.

चंदननगर पोलिस ठाण्याचे वरिष्ठ पोलीस निरीक्षक सुनील जाधव यांची बदली गुन्हे शाखेमध्ये करण्यात आली आहे. त्यांच्या जागी फरासखाना पोलिस ठाण्याचे वरिष्ठ पोलिस निरीक्षक राजेंद्र लांडगे यांची नियुक्ती करण्यात आली आहे. खडकी पोलिस ठाण्याच्या पोलिस निरीक्षक संगीता जाधव यांची बिबवेवाडी पोलिस ठाण्याच्या वरिष्ठ पोलिस निरीक्षक म्हणून नेमणुक करण्यात आली आहे. विशेष शाखेतील पोलिस निरीक्षक प्रकाश पासलकर यांची सहकारनगर पोलिस ठाणे येथे पोलिस निरीक्षक (गुन्हे), तर फरासखाना पोलिस ठाण्याच्या वरिष्ठ पोलिस निरीक्षक म्हणून शब्बीर सय्यद यांची नेमणूक झाली आहे. सय्यद यापुर्वी फरासखाना पोलिस ठाण्यातच गुन्हे विभागाचे पोलिस निरीक्षक होते.