transformer.jpg
transformer.jpg

पुण्यात मोठी दुर्घटना टळली; पावसाच्या तडाक्याने कोसळला ट्रान्सफाॅर्मर अन्...

किरकटवाडी (पुणे) : कोल्हेवाडी, किरकटवाडी (ता. हवेली) येथील धन्वंतरी पार्क सोसायटी जवळील विजेचा ट्रान्सफाॅर्मर जोरदार वारा व पावसामुळे कोसळला. त्यामुळे कोल्हेवाडी व परिसरातील विजेचा प्रवाह खंडित झाला आहे. सुदैवाने येथील रस्त्यावर कोणी नसल्याने कुठलीही जीवितहानी झाली नाही, अन्यथा मोठा अनर्थ घडला असता.

आज येथील परिसरात अचानक पावसाला सुरुवात झाल्याने नागरिकांची मोठी तारांबळ उडाली. जोरदार पावसाबरोबर वारा आणि विजेचा कडकडाटही सुरू होता. वाऱ्याचा वेग जास्त असल्याने कोल्हेवाडी येथील धन्वंतरी पार्क जवळील विजेचा ट्रान्सफाॅर्मर कोसळला. सुदैवाने विजेच्या तारा तुटल्या नाहीत.

पुण्यातील इतर बातम्या वाचण्यासाठी येथे- क्लिक करा 

ट्रान्सफाॅर्मर कोसळल्याची माहिती मिळताच महावितरणच्या वडगाव उपविभागातील कर्मचाऱ्यांनी तातडीने ट्रान्सफाॅर्मरची दुरुस्ती केली व कोसळलेले खांब उभे करण्याचे काम सुरू केले आहे. सदर ट्रान्सफॉर्मर वरील विजेचा प्रवाह काम होईपर्यंत बंद ठेवण्यात येणार असून इतर परिसरातील वीज प्रवाह पूर्ववत करण्यात येणार असल्याचे महावितरणचे अतिरिक्त कार्यकारी अभियंता कल्याण गिरी व सहाय्यक अभियंता सचिन आंबवले यांच्याकडून सांगण्यात आले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com