पुणे : वाघोली परिसरातील गृहप्रकल्पाच्या आवारात असलेले महावितरण कंपनीचे रोहित्र (ट्रान्सफॉर्मर) चोरट्यांनी चोरुन नेले. तीन लाख ८० हजार रुपये किमतीच्या रोहित्र चोरीप्रकरणी वाघोली पोलिस ठाण्यात गुन्हा दाखल करण्यात आला आहे..याप्रकरणी महावितरणचे सहायक अभियंता दीपक बाबर यांनी वाघोली पोलिस ठाण्यात फिर्याद दिली आहे. त्यावरुन चोरट्यांविरुद्ध भारतीय विद्युत अधिनियम २०२३ कलम १३६ (विद्युत साहित्य चोरी), तसेच भारतीय न्याय संहिता कलम ३०२ (२) अन्वये गुन्हा दाखल करण्यात आला. पोलिसांनी दिलेल्या माहितीनुसार, वाघोलीतील एका गृहप्रकल्पासाठी महावितरणकडून २०२० मध्ये उच्चक्षमतेचे रोहित्र बसविण्यात आले होते. .तर जुने रोहित्र गृहप्रकल्पाच्या आवारात पडून होते. १९ एप्रिल रोजी महावितरणचे कर्मचारी निलेश तिजारी गृहप्रकल्पाच्या आवारातील विद्युत मीटरची नोंदणी (रिडिंग) घेण्यासाठी गेले होते. त्यावेळी गृहप्रकल्पाच्या आवारातील जुने रोहित्र जागेवर नसल्याचे त्यांच्या निदर्शनास आले. त्यानंतर महावितरणकडून रोहित्र चोरीला गेल्याच्या प्रकरणाची चौकशी करण्यात आली. रोहित्र चोरीला गेल्याचे निष्पन्न झाल्यानंतर फिर्याद देण्यात आली. रोहित्र अवजड असतानाही गृहप्रकल्पाच्या आवारातून ते चोरीला गेले कसे, असा प्रश्न उपस्थित झाला आहे..सकाळ+ चे सदस्य व्हा ब्रेक घ्या, डोकं चालवा, कोडे सोडवा!शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
