लोहगाव विमानतळावर आदिवासी कला संग्रहालय | Sakal
sakal

बोलून बातमी शोधा

pune

लोहगाव विमानतळावर आदिवासी कला संग्रहालय

कोरेगाव पार्क : पुणे आंतरराष्ट्रीय विमानतळावर जागतिक आदिवासी दिनाचे औचित्य साधून ‘ट्रायबल आर्ट गॅलरी’चे उद्‌घाटन करण्यात आले. आदिवासी कलाकारांना कायमस्वरूपी आंतरराष्ट्रीय बाजारपेठ उपलब्ध करून देण्यासाठी केंद्र सरकारच्या विशेष योजनेतून ही गॅलरी उभारण्यात आल्याची माहिती आदिवासी संशोधन व विकास संस्थेच्या सहसंचालिका जागृती कुमरे यांनी दिली. या वेळी पुणे विमानतळ प्राधिकरणाचे प्रमुख संतोष डाके, आदिवासी विकास संशोधन संस्थेचे अधिव्याख्याता श्‍याम दौंडकर, जयेश कुमार, रमेश रगतवान, सरोजिनी शिरसागर उपस्थित होते.

हेही वाचा: पुण्यातील बाजारात चैतन्य; ग्राहकांचा खरेदीसाठी उत्साह

कुमरे म्हणाल्या, ‘‘आदिवासींच्या संस्कृतीचा जागतिक स्तरावर प्रचार आणि प्रसार होणे काळाची गरज आहे. हे ओळखून केंद्र सरकारने आर्ट गॅलरी सुरु करण्यासाठी निधी उपलब्ध केला होता. हस्तकलेला जागतिक स्तरावर प्रसिद्धी मिळण्यासाठी संस्थेने रोड मॅप तयार केलेला आहे. जेणेकरून आदिवासी कला आणि संस्कृती आंतरराष्ट्रीय पातळीवर सर्वसामान्य जनतेस सहजरीत्या पाहावयास मिळेल. आदिवासी कलेला आंतरराष्ट्रीय बाजारपेठ उपलब्ध होईल हा प्रकल्प तयार करण्यासाठी पुणे विमानतळ प्राधिकरणामार्फत सहा महिन्यांसाठी मोफत जागा उपलब्ध करून दिली आहे. इतर खर्च केंद्र सरकारच्या निधीतून संस्थेने केलेला आहे.’’

Web Title: Tribal Art Museum At Lohgaon Airport

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top