पुण्यातील मशिदींमध्ये हुतात्मा जवानांना श्रद्धांजली

पुणे : चीन सीमेवरील चकमकीत वीर गती प्राप्त झालेल्या भारतीय सैनिकांना पुण्यातील मशिदींमध्ये श्रद्धांजली वाहण्यात आली. शुक्रवारच्या (जुम्मा) ऑनलाइन नमाज दरम्यान दुवा पठण करण्यात आले. त्यात हुतात्मा झालेल्या भारतीय जवानांना श्रद्धांजली वाहून त्यांच्या आत्म्यांना शांती मिळण्यासाठी दुवा पठण करण्यात आले.

घाबरु नका; तुमच्यासाठी इथे नोकरी उपलब्ध आहे; राज्य शासनाचा उपक्रम

आझम कॅम्पस शैक्षणिक, सामाजिक परिवाराचे अध्यक्ष डॉ .पी. ए. इनामदार यांनी या संबंधी शुक्रवारी सकाळी सर्व मशिदींच्या धर्मगुरू आणि पदाधिकाऱ्यांशी संपर्क साधून आवाहन केले होते. त्यानुसार पुण्यातील सर्व मशिदींमध्ये शुक्रवारच्या नमाज दरम्यान दुवा पठण करताना या भूमिकेचा उच्चार करण्यात आला.

पुण्याच्या बातम्या वाचण्यासाठी येथे  क्लिक करा

आझम कॅम्पस मशिदीमध्ये करण्यात आलेल्या दुवा पठणचे 'फेसबुक लाईव्ह' द्वारे थेट प्रक्षेपण करण्यात आले. शहरातील इतर मशिदींमध्ये पेश इमाम यांनी दुवा पठण केले. मात्र, कोरोना साथीमधील नियमांनुसार मशिदीमध्ये कोणत्याही प्रकारची गर्दी करण्यात आली नाही.