पुणे - व्यवसायासाठी जादा व्याजदराने दिलेल्या कर्जाची वसुली करताना जीवे मारण्याची धमकी देत कर्जदाराची कार जबरदस्तीने स्वतःच्या नावावर केल्याचा प्रकार उघडकीस आला आहे. याप्रकरणी खडक पोलिसांनी दोघांना अटक केली आहे.
पुण्याच्या बातम्या वाचण्यासाठी येथे ► क्लिक करा
अक्षय लक्ष्मण वल्लाळ (वय 25, रा. नाना पेठ) व अमित धनंजय बोराटे (वय 26, रा. गंजपेठ) अशी अटक केलेल्या संशयित आरोपींची नावे आहेत. याप्रकरणी गुरुवार पेठेत रहाणाऱ्या एका 43 वर्षीय व्यक्तीने फिर्याद दिली होती. त्यानुसार, वल्लाळ व बोराटे विरुद्ध महाराष्ट्र खासगी सावकारी प्रतिबंध कायद्यानुसार गुन्हा दाखल करण्यात आला. फिर्यादीला शेळीपालन व्यवसायासाठी पैशाची आवश्यकता होती. त्यासाठी त्यांनी अक्षय बल्लाळ याच्याकडून दरमहा तीन टक्के व्याजाने तीन लाख रुपये घेतले होते. त्यापैकी 94 हजार रुपये त्यांनी डिसेंबर 2019 पर्यंत परत केले होते. दरम्यान, बल्लाळ व बोराटे यांनी जानेवारी 2020 पासून आजपर्यंत फिर्यादीकडे सव्वा पाच लाख रुपये असल्याचे सांगितले. ते पैसे देण्यासाठी त्यांच्याकडून फिर्यादीसह शिवीगाळ करून जीवे मारण्याची धमकी देण्यात आली होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.