खेड शिवापूर - खेड शिवापूर परिसरातील शिंदेवाडी व वेळू येथील दोन वेगवेगळ्या घटनेत दोन परप्रांतीय तरुण कामगारांनी आत्महत्या केली.
पहिल्या घटनेत शिंदेवाडी (ता. भोर) येथे राहणारा विकास छेदीलाल बासोर (वय २१, मूळ गाव उमरी रीठी, जि. रिवा, मध्य प्रदेश) याने कंपनी कामगारांच्या राहत्या घरी गळफास घेऊन आत्महत्या केली. या बाबत कंपनी मालक प्रवीण रामहर्ष गुप्ता (वय ६२, रा. बालाजीनगर, पुणे) यांनी पोलिसांना खबर दिली.
त्यांच्या श्री इंडस्ट्रीज कंपनीत काम करणारा विकास बासोर याने रविवारी (ता. २३) रात्री साडेनऊ नंतर कंपनी कामगारांसाठीच्या घरात लोखंडी अँगलला पांढऱ्या रंगाच्या ओढणीने गळफास घेऊन आत्महत्या केली. ते सोमवारी सकाळी निदर्शनास आले.
आत्महत्येचे कारण समजू शकले नाही. सकाळी इतर कामगारांच्या ही घटना निदर्शनास आल्यावर कंपनी मालकांना याबाबत माहिती दिली. त्यानंतर पोलिसांना कळवण्यात आले.
दुसऱ्या घटनेत वेळू (ता. भोर) येथे राहणारा मंजीलाल घुरन सदाय (वय १८, मूळ रा. लोहाना, जि. मधुबनी, बिहार) याने वेळू माळवाड येथील बलम टेकडी येथील वडाच्या झाडाच्या फांदीस कमरेच्या बेल्टने गळफास घेऊन आत्महत्या केली.
तो प्रकाश पासलकर (वय ३२, रा. केळवडे) या लेबर कॉन्ट्रॅक्टरकडे कामास होता. त्यांनी या घटनेबाबत राजगड पोलिस ठाण्यात खबर दिली. रविवारी (ता. २३) रात्री ते सोमवारी सकाळी दहा वाजण्याच्या दरम्यान काळात त्याने आत्महत्या केली. त्याच्या आत्महत्येचे कारण समजू शकले नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.