आंबवणे येथील अपघातात दुचाकीस्वाराचा मृत्यू

वेल्हे, (पुणे) - नसरापूर वेल्हे रोड वरील आंबवणे गावाजवळ झालेल्या अपघातामध्ये दुचाकीस्वाराचा मृत्यू झाला असून इतर दोन जण गंभीर जखमी झाली आहेत आज मंगळवार (ता.३१)सायंकाळी पाच वाजणे सुमारास हा अपघात झाला असल्याची माहिती पोलिसांनी दिली आहे.

गोकुळ गुलाब बांदल (वय२९) असे मृत्युमुखी पडलेल्या युवकाचे नाव आहे. तर काळू अन्यबा बांदल (वय ५५) व नारायण मारुती इंगवले (वय ६०) यांच्यावर नसरापूर येथील खाजगी रुग्णालयात उपचार चालू आहेत. तीघेही निगडे बुद्रुक (ता.वेल्हे) येथील रहिवासी असुन चारचाकी व दुचाकीचा नंबर मिळाला नसुन चारचाकी नसरापूर कडून वाजेघर कडे निघाली होती तर दुचाकी ही करंजावणेकडुन कडून अंबवणेकडे जात असताना समोरासमोर धडक झाली होऊन अपघात झाला आहे.

या ठिकाणी आणि आजूबाजूच्या शेतकऱ्यांनी बांध पेटवल्या ने रस्त्यावर मोठ्या प्रमाणात धूर आल्याने हा अपघात झाला असल्याची शक्यता प्रत्यक्षदर्शींनी वर्तवली असून गोकुळ बांदल यास उपचारासाठी नसरापूर येथील खासगी दवाखान्यात नेले असता परिस्थिती गंभीर असल्यामुळे पुढील उपचारासाठी पुणे येथील भारती विद्यापीठ दवाखान्या मध्ये नेले असता येथील डॉक्टरांनी संबंधित रुग्णाचा मृत्यू झाला असल्याचे घोषित केले मृत व्यक्तीचा शवविच्छेदनासाठी मृतदेह ससून रुग्णालयात पाठवला असून इतर दोन अपघातग्रस्ततांवर नसरापूर येथील खाजगी रुग्णालयात उपचार चालू असुन वेल्हे पोलीसांकडुन अधिक तपास सुरु असुन रात्री उशिरापर्यत पुढील कार्यवाही सुरु होती.