Pune Water Scarcity : पुण्यात अघोषित ‘पाणी’बाणी! दुरुस्तीची कामे लांबल्याने पाणीपुरवठा विस्कळित; नागरिकांचा संताप

पुणे - शहरावर पाणीकपातीची टांगती तलवार असताना आज (ता. २४) पुणेकरांनी अघोषित पाणी कपातीची रंगीत तालीम अनुभवली. गुरुवारी शहराचा पाणीपुरवठा बंद होता. पण शुक्रवारी हा पाणीपुरवठा सुरळीत होणे अपेक्षित असताना देखभाल-दुरुस्तीची कामे वेळेत न संपल्याने पुणेकरांना प्रचंड मनस्ताप सहन करावा लागला.